طلب حل من الكل

مسا الخير
مشكلتي ليست مشكلة مالوفة انا ست مجوزة وعندي ولاد وحامل كمان وحياتي هدية وجوزي كتير منيح وعايشة بغربة جوزي ابن عمتي واهلي طبعا ببلدي الاصلي وانا بالغربة معو ومه اهلو اللي هو اصلا خلق فيها وهني عايلة كبيرة يعني شباب وصبايا المهم امو كانت بتساعد كتير بيي مش بقصد انو خييها وصلة الدم والقرابة لا لانها كان في منافسة بينها وبين جوزا كل واحد بيبعت لاهلو ليصير احسن من اهل التانيومرقت الايام ومات بيي.طبعا رغم مساعدلتها لبيي الا اني نا هون حدهل متروكة ومعزولة وبيعملو بس مشاكل معي وازا بروح لعندهن بتظل هي معي والصبايا بغرفتهن ماحدا منهن بقول مرحباوبسالها وبيحكي جوزي معها بتقول هني هيك خليها هي تلاطفهن تجاملهن يعني كون انو انا جايي من بلد عربي وهني كل حياتهن باوربا لازم انا ظل اتملق وجامل وطاطي وكون هي بتساعد بيي لازم انا كون شغالة عندهن واله وانا ما دعست على طرف حدا ورحمة بيي غير انو هني بحكو انو انا متكبرة يعني معقول انا بتكبر على عيلتي او عليهن هني معقول بيكرهوني بعد اليوم السابع زواج وبيتخانقو معي بالحفلة هو منطق ومن يومها بس مشاكل وخناق وما بيطوقوني حتى ابي حكي معها قال هي بنتك لازم تجامل وتلاطف بناتي هيك معوديينالمهم انا صبرت كفت بالغربة اتعلمت وخلفت وكبرو هالولاد بلا معين وكان المعين بس الله ونعم بالله غير هيك مابزور اهلي نهائي بحكم ظروف البلد والولاد زغار يعني زرتهن من سنيتن حتى بيي ساعة مات ماكنت انا هونيك لحتى جنيت بقى بس مات بيي بعتت مصاري للعايلة المهم عن طريقي واخر مرة بعتت مصاري قال هي لابني بدي يعملو مشروع لالو هونيك وانا بعتتهن بس راحت هونيك قالو مصرياتك ما بتعمل مشروع قليلة شو بتقولي قال خلص انت ابن خيي خودهن انت خلصت بيهن اشغالك وهودي كمان 4 اساور مني هدية ومش دينوبعد مامرقت سنين اليوم جايي كل يوم بالشرطة والحبس والله لابهدلكون والله لاحبسكن بدي مصرياتي كلاتها يعني كل اللي بعتتهن بتعتبرهن لالها قام العايلة قالو ياعمي انتي ماعطيتي دين ونحنا من وين منجبلك وحتى المشروع اعتبرتيه هديه اطلع انزل كلو دعاوي وشكاوي بالشرطة والمحكمة قام المحكمة برأت عيلتي امي واخوتي طبعا وقالتى بس بيكون معك ورقة او وصل قدميه هيك ما الك حق رجعت هلا بتضغط عليي اكتبي ورقة للمحكمة بكل المصاري لانك انتي الشاهدة الوحيدة لالموضوع وهونيك بيحكو امي والله لنحطك بالحبس انتي وولادك وهون كل يوم بيحكوني ولادها اعملي هالشي ونحنا منرجع علاقتنا فيك وما منتخلى عنك ونحنا اهلك واكتبي هالورقة لامناقلتلهن مابقدر اكتب شي وماعندي ولادليل على كلامها لاني معذورة انا اكبر اخوتي وامي لحالها وبكفي مصيبتها ساعة مات بيي وعمتي مرا مقتدرة وبس بدا توطي راس مش محتاجة مصاري وغير هيك كلو عطتهن هبة مش دين وهلا قلبت لانو امي جوزت اختي بلا موافقتها وما بتسمع امي كلامهن يعني مش عبد مطيع الها والهنالله يخليكن انا حامل بشهري السادس وجوزي محتار وبيقلي نتي بايدك تحلي الازمة وامي كل يوم بتقرب للجلطة انا محتارة ارجوكم ساعدوني والله المعين تحتاتي واسفة للاطالة