بنت كانت رح تقع على حافة الهاوية

مساء الخير لجميع المعلقين
تقريبا الكل عرف قصتي وبيعرف ادق التفاصيل عنها لانه انا كنت اطرح الي بصير معي خلال التعليقات وكنت طالبة مساعدتكم ومشورتكم الي وكل هدفي هلا اني حابة افضفض لجميع المعلقين الي صار معي قديما ويلي عم بصير معي هلا ورح احكي قصتي باختصار لانه بدي مجلد لحتى افضفض الي صار معي من قبل ورح اكون صريحة لابعد الحدود وما رح اكزب باي حرف عليكم
انا عمري 19 سنة صارلي اشهر عم اشتغل بمحل تجاري اول ما بلشت الاحداث معي فتحنا انا وصاحب المحل مواضيع كثيرة ومن هالمواضيع عن الزواج المبكر وصرنا انغوص لمواضيع حساسة اكثر واكثر ومن ضمنها عن حياته الشخصية والعائلية وحكالي كل تفاصيل حياته عن علاقته مع مرته وعن علاقاته الزوجية معاها انا بالاول كنت ابينله اني خجلانة كثير وهو عم يحكيلي هيك مواضيع بس من جواتي انا كثير مبسوطة والله ما عم اكزب كنت مبسوطة لاني بنت جاهلة وكان عندي فضول لاعرف اجوبة على كثير اسئلة بالنسبة للزواج والعلاقة بين الزوجين واطورت الامور اكثر واكثر كان يمشي من جمبي ويمسك ايدي وشي مرة باسني بوسة على خدي وبعدها على تمي وصار يتحرش فيا لما اطلع على الطابق التاني لحتى اجيب شي غرض كنت بالاول ارفض اي حركة بيعملها معاي وهلا صرت استسلم اله واسلمه حالي واقبل اي حركة بيعملها معاي ولما كنت اروح عالدار كنت ابكي واحكي لهالدرجة مو خايفة على شرفي وعلى سمعتي وعلى سمعة اهلي وايش ذنبهم انهم ربوني وتعبوا علي والله العظيم انه حتى اصابعي الي عم اكتب فيها خجلانة انه تكتب الي كان يصير معي اشياء مخجلة كثير ومو قادر الحكي يطلع من ثمي وانا ما كنت احكي الصراحة للمعلقين اللي كان يصير معي والله اشياء انه الاصبع مو قادر انه يضغط على الكيبورد ويكتب كل كلمة وحرف باحداث صارت معي وبصراحة اكثر كنت راضية علي بيعمله معاي وانا الي ابلش احيانا كنت المحاوله و اتحرش فيه بنظرة او بحركة وكنت عنجد بدي اقع على حافة الهاوية والله العظيم انا هلا ندمانة

انا هلا خجلانة من ربنا ومن حالي واللي خجلانة منه اكثر انه لما ازكر كل حركة كنا نعملها مع بعض بحاول اني انساها ومو قادرة انا هلا تبت لربي عن هاي الحركات وصاحب المحل هلا بطل يتحرش فيا يمكن لانه بلشت ازمة الصيف والمحل كله بكون مليان زباين
كيف ممكن انسى كل لحظة مرت علي من قبل وانا ندمانة اشد الندم عم اعض اصابعي ندم كل يوم الحمد لله رب العالمين لانه اعطاني شغل ولا بنت عم تحلم فيه شغل خفيف ونظيف وما بتعب
بدي اشكر كل المعلقين الي ساعدوني واللي كانوا يتمسخروا علي ويلي كانوا يحكولي هالقصة مو حقيقية وحدا عم بالف فيها
وبدي اشكر العم ابو طارق لاني تعبته معاي وهو كان عم بقدملي نصائح يوميا وينصحني اني اترك شغلي وانا ما كنت ارد عيله
بدي احكيله احلى خبر الحمد لله رب العالمين انا صار اسمي بنت ماشية عالطريق الصحيح
وانا مبسوطة لاني عم فضفض عن كل اللي بقلبي لانه هالسر و كل الي صار معي بيعرفه بس ربنا وبقية المعلقين
بتمنى انه تتقبلوا كل كلمة حكيتها وكتبتها بنت ندمانة اشد الندم

اختكم بالله بنت ماشية عالطريق الصحيح