أنا في نظر زوجي وصمة عار

رح احكيلكم قصتي باختصار شديد ورح اختصرها لانها طويلة كثير انا امراءة متزوجة والي اخ وحيد واهلي ميتين لما كان عمري 20 سنة اتعرضت للاغتصاب وانا رايحة على شغلي كنت مجبورة اني اشتغل وهالشي سببلي حالة نفسية هلا اخي بده يتخلص مني باي طريقة فعرض على واحد عمره 34 سنة وهو متزوج وعنده ولدين انه يزوجني ويستر علي وبالرغم من انه متزوج وعنده اولاد انا حبيته والله من كل قلبي هلا هو ما عملي عرس ولا حسسني اني عروس ولا كنت زي اي عروس عم تزوج وازوجنا وهلا صارلي 5 شهور متزوجة ومن يوميتها وانا عم اشكل وصمة عار بنظر زوجي لا بيلمسني ولا بقرب علي وما بده اياني اخلف منه ولد بظله يعايرني اني فلاحة وكنت مغتصبة وكنت اشتغل بمحل للخياطة بظله يعايرني وكل اسلوب مجرح من الاسلوب الي قبله انا شو ذنبي اني اتعرضت للاغتصاب والادهى من هيك انه رجل غني ومليان معه صاري وانا ما بدي لا مصاري ولا شي انا بدي احس اني وحدة مزوجة وعلى ذمة رجال وما بدي اياه يميز بيني وبين مرته وهو ما بطل علي غير مرتين بالاسبوع وما بشوفه انا هو بظله عند مرته واولاده انا مش مقصرة من ناحيته بشي بحاول اعمل كل شي لاسعده بيني وبينكم بخاف اني احتك فيه بلاش يصير يعايرني ويذكرني بماضيي وهو بيحكيلي دائما اشفقت على اخوكي كان رح يبوس ايدي وظله يترجى فياا لحتى استر عليكي لايمتا رح يظل يعايرني وتاركني عايشة بين ماضيي نفسي احس اني مزوجة ويصير عندي اولاد منه وبدي انسى لحظة تعرضي للاغتصاب قبل 3 سنين ايش اعمل لحتى اكسبه لناحيتي وما اظل وصمة عار بنظر زوجي؟
يا ريت لو يقرا قصتي ويعرف اني بحبه برغم انه عم يعايرني ويشتمني دائما