تعبت ومو عارفه شو اعمل

السلام عليكم ورحمة الله وبركاتة

هاي مو اول مرة اكتب موضوع بدي استشارتكن فيه ودنيا الوطن مابتعرضة في منبرها مابعرف ليه اتمنى هالمرة ينشرو موضوعي

انا بنت فلسطينيه عايشه مع اهلي فدولة من دول الخليج من زمن مو قليل والمصيبة انه في بلى منتشر هون بشكل كبير اسمة الشيشة او الارجيله خصوصا بين البنات . انا طبعا مابحبها ولا بطيق ريحتها بس المشكله في اختى الي انبلت فيه بسبب صاحباتها وصارت مدمنة على الشيشة وعلى البنات الي بيشربو هالشيشة وصارت ما تتعرف الا ع بنات بتشيش ومو هون كمان القصه القصه انه امى معها وعارفه شو بتعمل اختى وموافقاها فالغلط قبل الصح وابتمنعها وامى اقنعت ابوي كمان انه يوافق لاختى انها تشرب هالشيشة وتعمل جلسات في بيتنا تجيب فيها رفقاتها الي بيشربوها ويقعدو يشيشو سوا انا مو عاجبنى الوضع بالمرة لانه غلط في غلط بس ماحد معترض فالبيت غيري لانه امى وابوي واخوي بيدخنو واختى لحقتهم بالشيشة واحيانا السجاير وامى بتعرف وطبعا مابتقلها لا انا دايما كنت بتعب من ريحه المعسل والسجاير لدرجة وصلت بيا للمستشفى ومرضت وصار عندى التهاب حاد بقعد بالاسابيع بعانى من صدري وراسي وجيوب الانفيه وبروح كل مرة بكيس ادويه مابعرف كيف بدي اخلصه
صرت اتخانق مع اهلي واشتكى انه حد يراعي ظروفي انى بتعب ومرضت وبعانى بس ماحدا بيسال عنى امى عشان تسكتنى تحكى كلمتين انه خلص بمنعها وطبعا قرارها مابيكمل اسبوع لانه اختى صارت مدمنة شيشة بشكل بينقط الواحد ومو سائله عن حد امى تحكى ابوي يحكى اخوي يحكى انا امرض او اموت مابيهمها كل همها صاحباتها يجو عندها يشربو شيشة وينبسطو وانا تعبت كتير ياجماعه ومو عارفه شو اعمل صارو يعاملونى على انى معقده وبس مابدي حد يجي عنا عالبيت وكلام فاضي ماله مبرر غير انه اختى تستمر انها تشيش شو ماصار حتى لو اموت الشيشه صارت اهم شي عندها واهلي ساكتين مع العلم حاولت احبس حالي فالغرفه كتير بس ماقدرت لانه بحس حالي مسجونة لخمس ساعات لحد ماتخلص اختى تشييش او جلستها مع رفقاتها وانا مو قادرة اطلع اروح الحمام من خوف اشم ريحه الفحم والدخان والمعسل الي بيتعبنى كتير مو عارفه شو اعمل ماحدا سائل عنى. ولا عن حالتى ولا عن صحتى .
صرت انا غلط لانى مابشيش ومابحب الدخان ومابجلس جلسات بنات هيك وهما الصح الاجتماعيين بدي حل
ياترى بلاقيه عندكم؟وسامحونى عالاطاله