هادا واحد شكاك

انا عندي مشكلتين :
المشكلة الأولى : موقع دنيا الوطن , إلي فترة بضيف مواضيع لكن الموقع ما بنشرها مش عارف ليش , ورغم من هيك هناك أشخاص لا داعي لذكر أسمائهم تضاف مشاكلهم ومواضيعهم أكتر من مرة .
أن شاء الله المره هادي بضيفو موضوعي .
أم المشكلة التانية : وهي البنات وما أدراك ما البنات
السؤال موجهه لكل بنت وشب , وإلي حابب يتمسخر أهلا وسهلا وإلي حابب يفتح مواضيعه ومواعظ وقصص وسلام وتراحيب أهلا وسهلا , المشكلة وهي البنات إلي ما بعجبهم العجب , لو الواحد حب بنت وصار يسأل عنها ويغير عليها ويحاسبها ويقولها ليش بتعملي هيك أو بتعمليش هيك , بتصير البنت تقول هادا واحد شكاك , وما عندو ثقه بحبيته , وشوشة وتقولو انا زهقت منك ومش قادرة أتحمل , ولو الشب عامل حبيبته زي ما هي بدها , بمعنى ما يغير عليها وما يسأل عنها , وما يحاسبها على كل شي بتعمله , بتصير تقول انا قرفت ومش قادرة أستحمل الجمود العاطفي إلي عندك , طيب شو الحل يا ترى , اذا البنت لا عاجبها لا هيك ولا هيك , نخبط راسنا بالحيط يعني , ولا نقرى أفكار البنات بالحاسة السابعة ولا شو , إلي عندو رأي يحكيه ومشكوريين .
أخوكم : امين.,,.,.