ساعدوني

بسم الله الرحمن الرحيم
انا اليوم جاية وكلي امل انكم تساعوني
لاني بجد بحاجتكم وما اقدر احكي الموضوع لاي حد
ما بدي اطول عليكم رح ادخل بالموضوع على طول
قصتي بدت لما اجا شب يخطبني وكان معجب باخلاقي وجمالي والحمد لله على كل شيء
انا وافقت لانه كان انسان عنده المزايا اللي تطلبها كل بنت المال و الجمال والعلم والدين
صدقوني انه انسان متدين للغاية
وخطبنا وكنا كتير مبسوطين وسعيدين بحبنا الي يزي كل يوم اكتر واكتر
وصدقوني انا خطوبتي كانت تقليدية يعني انا ما كنت اعرفه من قبل
بس كتير حبيته وصدقوني هو كتير بيحبني
المهم خطيبي ساكن ببيت لحاله بعيد عن اهله بحكم الدراسة والعمل
واتفقنا اننا نسكن بنفس البيت بعد الزواج
ووخطيبي فترة الخطوبة حكالي انه كان يحب بنت من قبلي واتقدم لخطبتها لكن اهلها ما وافقوا
بصراحة انا كنت كتير مبسوطة لانه ما خبى عني اي شي
واتزوجنا وسكننا بالبيت نفسه وكنت كتير سعيدة
وبعد اسبوع...........اسبوع واحد صدقوني
وانا كنت ارتب بالبيت زي اي عروس حابة بيتها يكون مرتب وبحكم انه زوجي كان عزابي ساكن لوحده فالبيت كان بحاجة لترتيب اكتر من اللزوم
لاقيت وانا عم رتب بالبيت رسائل وصور وهدايا البنت اللي كان يحبها من قبلي
ضليت عم ابكي كتير لانه لسه محتفظ فيهم بالرغم من انها تزوجت وتركته
صارحته بالموضوع قلي انه نسي يتخلص منهم مش اكتر من هيك
المهم انا صدقته لانه كتير بيحبني وبيعمل المستحيل حتى يرضيني
بس هو ما كان هيك بس لانه بعد فترة كان حفل زفاف اختها واحنا عندنا مركز تصويرالافراح
قلي مو مهم المصاري والفلوس المهم يكونوا مبسوطين واعملي كل شي بدهم اياه
لاول مرة بحس اني خدامة يعني انا اللي بشتغل عندهم ابدا ما راعى مشاعري ولا اي شي
بعد فترة لاقيت سيديهات مكتوب عليها خاص انبسطت كتير لانه زوجي فترة الخطوبة كان يصورني بالتلفون وانا خالعة الحجاب وبحكم اني متدينة كان ينزل هاي الصور على سيديهات خوفا من ضياع الموبايل او ان يلمسه احد من اصدقائه وبجرد تنزيلها على سيديهات كان يمسح الصور مباشرة
نرجع الى الموضوع الرئيسي
انبسطت لاني لاقيت هاي السيديهات وحبيت اشوف الصور واسترجع ايام الخطوبة الجميلة
حطيت السي دي بالجهاز وبانتظار تنزيل الصور
صدقوني ما لقيت صوري
لقيت صور لعلاقة جنسية كاملة بينه وبين بنت انا بعرفها كتير كتير وحتى انها اجت حضرت فرحي
صدقوني هاد اللي صار
والابشع من هيك انه البنت هاي متزوجة والله العظيم متزوجة
وبعدين هاي البنت على علم بانه تم تصويرها يعني زوجي ما صورها بالخفية
لانها خلال الصور كانت عم تعمل حركات اثارة ونظرات للصورة
صدقوني ما في وقاحة اكتر من هيك
انا صرت ابكي انهرت نهائيا لانه آخر شي كنت اتوقعه انه زوجي الانسان المؤمن المتدين يطلع منه كل هاد
انا مش عارفة شو اعمل صدقوني
اتركه بعد اللي شفته
بس ما بقدر لاني كتير بحبه
وانا الحين عندي بيبي
بس لما عرفت القصة كنت حامل
لما صارحته بالموضوع قلي هاد ماضي وهو هلأ ما بيفكر بغيري
بس انا هلأ مش قادرة استحمل
وكل يوم بتعب اكتر واكتر

صدقوني انا بجد رح اموت بدي تساعدوني
والاصعب من هيك انه العلاقة الجنسية اللي كانت مع البنت كانت بالبيت نفسه اللي انا ساكنة فيه
يعني مش قادرة انسى ابدا الموضوع
كل ما اقرب منه بتخيل هاي البنت وبتخيل انه بيقارن بيني وبينها مش عارفة شو اعمل
دماغي رح تنفجر
انا انسانة مؤمنة وما بقطع فرض وربي يشهد على كلامي
تمنيت للحظة اني ما اكون مؤمنة حتى انتحر وارتاح من حياتي
انتظر ردودكم