اصدقائي افيدوني:عريس ما اله اهل

مرحبا اخواتي بدنيا الوطن انا بنت عمري21 الحمد لله انا بعيش حياه كتير منيحه بس عندي مشكله هي مو مشكله كبيره بس مدايقاني وخايفه تضل معي علطول انا خلصت جامعه بمعدل حلو 91%واخدت شهادة انجليزي المهم هلا بابا بدو ياني ادرس كمان تحاليل طبيه لاشتغل معه وانا ما بدي وقلتلو بس هو ما بيئس بيضل يحكي بنفس الموضوع غير هيك انا بحس بابا ما راح يزوجني لانو لما بيجيني خطاب وقبل ما اعرف بابا بيرفضهم ما تفكروني مدايقه لاني بدي اتزوج لا مو كتير فارقه معي بس هيك اسلوبه غلط وببئا مرات بمزح يقولي انا راح جيبلك عريس ما اله اهل حتى هو يعيش عنا انا بنزعج جواتي على فكره انا ما عندي ولا اخوه ولا خوات وكتير تغلبوا اهلي لجابوني المهم انا حكيت لماما كلشئ وندمت كتير لانه هي حكت لبابا بطريقه زعلتو مني وما غيرتوا غير هيك من يومها طلعلي بقصة التحاليل الطبيه انا بحب اهلي كتير بس بدي طريقه تخليه يحس اني كبرت ولازم يقل تمسكوا وخوفوا علي بدون ما يزعل غير هيك انا بديش اكمل دراسه بيكفي ما صدقت اخلص صحيح بدي اوضح شئ بابا رجال كبير هلا عمرو56وماما48وبس بتشكركم وامانه تدعولي ربنا يطولي عمرهم وما يحرمني منهم ااااااااامين(صحيح ما تعلقو على قصة العمر لاني اصلا دخلت المدرسه صغيره وغير هيك كنت اخد بالجامعه صيفي )