حالتى النفسية سيئة للغاية

السلام عليكم ورحمه الله وبركاته
الى قراء هذا الموقع الاكثر من رائع حبيت اطرح مشكلتى وانشاء الله بتساعدونى ولو بنصيحه.
انا مشكلتى انو اخدت كورتيزون(إبر+حبوب) بكميات كتير كبيرة بدافع تسكين الألم , هلق انا وزنى كان بتذكر وانا بتوجيهى يعنى السنة الماضية 60 هلق بأخر شهرين طبعا اجزنا من المدرسة وقعدت بالبيت ف كنت اخد الكوتيزون وبعد فترة لاحظ وزنى عم بزيد كل يوم
لحد ماصار70بعدا وقفت الكوتيزون شي شهر لانوا خف الالم بس رجعت اخد كوتيزون لانوا اقوى انواع المسكنات فوزنى زاد وصار 80 المشكلة انو انا كنت بفكر وزنى زاد من قعدة البيت ولانوا بطلت امشي وهيك ,بس هلق بروح من الجامعه مشى ومش كاينة انحف او اورجع لوزنى الطبيعى فبعد مااستفسرت وعرفت انو سبب الوزن الزايد هو الكوتيزون لانوا بحبس المي بجسم وبتالى بنفخ وبسمن,كل ماحد بشوفنى من صحباتى بستغربوا انو هاى انا وجهى صار متل البالون منفوخ وجسمى كتير منفخ وبايظ ,صحباتى بقولولى ولك شو بتاكلى خففى اكلك سمنانة كتير كتير وبشعانة وهاد الموضوع بجد مدايقنى لانوا انا اكره ماعلى حد يجبلى سيرة السمنة او يقلى وزنى زايد او ......الخ.
هلق صارلى شهرين موقفه الكويتزون ومانزلت غير 3 كيلو ووزنى لسة مارجع زى ماكان.مع العلم انى ماباكل كتير وبشرب مى كتير ومى دافية الصبح عريق لانوا قالولى بتنزل الوزن وكمان ماباكل املاح غير خفيف لانوا هاى بتزيد المى يلى بجسم والخبز ماباكلوا بلمرة ماباكل غير توست وقطعة واغلب الطبايخ عملت عليها اكس واغلب اكلى سلطات وفواكه عنجد نفسيتى كتير تعبانة وتعقدت من هالموضوع حتى لما بدي اشترى ملابس بطلت اعرف نمرة جسمى.
لما كنت بمصر سألت الدكاترة هناك انو الكوريتزون اثاروا هيك بتعمل فألوا اه اكيد انو بزيد الوزن ومع الوقت راح تروح كل اثاروا وارجع زى ماكنت.فى دكتور قالى انو مع البول الجسم بصفى المى وبس بدها كم شهر.وفى دكتورة كتبتلى جدول حبوب كويزون اخدوا مشان انو يلى كنت اخدو بشكل فوضى ولازم يتاخد الكوريتزون بنظام مشان مايكون صدمه للجسم بس انا ماامشيت عكلامها وطنشت لانوا خايفة يزيد وزنى اكتر وصير 100 .
اسفة لانى طولت عليكم بس بدي نصيحه لو حد بعرف اى طريقة لأزالة أعراض الكوتيزون وارجع متل ماكنت ماتبخلوا على برد انا بستناكم والسلام عليكم