لما احكي عرب 48 الكل بستهتر فينا

السلام عليكم..اانا بنت عمري 17 سنه الحمد لله ناجحه بتعليمي وشكلي حلو وملتزمه مش ناقصني شي انا ساكنه بالداخل يعني من عرب ال48 بحب كتير اهلنا بالضفه وبغزه بس ما بعرف ليش لما احكي عرب 48 الكل بستهتر فينا وبحكو انا اسرائليين بالعلم انا مش هيك..في البدايه كانت الشغله كتير تدايق وتجرح لانو كنت وين ما اروح اسمع حكي ومدايقات بس من فتره حكيت مع شب يلي هون من الضفه وشوي شوي بدا يحكي انو بحبني وبديت علاقه حب كانت مثاليه بنظري كنت مستعده اترك اهلي وناسي وبلدي كرمالو ومره الايام وبيوم عرفت انو كان يضحك علي وانو متزوج وعندو اولاد بالعلم اني كنت اعرف عمرو وهو ما كان صغير بس بحياتي ما تخيلت انو اكتر شخص احبو يطلع كداب وخاين ومرت الايام وبعد فتره حاولت انساه فما لاقيت حل غير اني اوافق على اول شب بيجي ليخطبني وهيك صار بس اسا عم حس بالخيانه اتجاه خطيبي لاني ما بحبو ولما اكون معو كل فكري بكون مع هداك حتى لما يحكي كلمه حكالي اياها الشب يلي من الضفه بتذكرو وعم بتدايق كتير من تصرفاتي هاي بس والله مش قادره انساه مع اني انجرحت كتير منو

ما بدي حل لمشكلتي لانو الحل بأيدي بس حبيت اشارك حدا بمشكلتي لاني مليت