ندمانة وبدي مساعدتكم

انا بنت اول ما اهلي شبكوا الانترنت عنا كنت ما استعملوا الا حتى اطلع ابحاث للمدرسة وبيوم وانا بطلع بحث عليه دخلت على شات بالغلط ولما شفت كلمة شات تلبكت وما عرفت شو بدي اعمل وكنت خايفة بس كنت حابة اني ادخل واشوف شو فيه لانو صاحباتي كانوا دائما يحكولي عن الشات وفعلا دخلت عليه وتعرفت على ناس هناك وصرت كل يوم ادخل على الشات واحكي مع ناس وتطورت الامور وعملت فيس بوك بس باسم تاني غير يلي كنت ادخل فيه على الشات وانا كل هاد ومعتبرة انو يلي انا بعملوا لعبة وبتسلى فيها بس المشكلة انو انا تعلقت كتيير بالفيس بوك وتعلقت بالناس يلي بحكي معهم عليه حتى اني صرت ادايق واعصب واحيانا ابكي ازا بيوم ما حكيت مع حد منهم وصارت حياتي من المدرسة على النت ومن النت على النوم مشان الصبح عندي مدرسة وبطلت ادرس ولا حتى اشوف اهلي متل الاول وحتى صار عندي ادمان على النت مع انو اهلي كتير ببهدلوني وبصرخوا علي ومو عاجبهم وضعي بس انا ما كنت اسمعلهم وهلا انا كتييير حابة اني ارجع متل الاول ادرس واضل مع اهلي طول اليوم وانسى كل يلي على الفيس بوك وما اضل متعلقة فيهم لهي الدرجة الكبيرة بس مو قادرة وكل ما بحاول وببعد ساعة او ساعتين بحس حالي متدايقة وزهقانة وما في شي اعملوا وبرجع اقعد عليه .
يا ريت تساعدوني اني الاقي حل واقدر ابعد عن الفيس بوك والانترنت (بس ياريت بدون تعليقات جارحة لاني رح اقرا كل التعليقات )
واسفة اني طولت عليكم بالقصة .