بكره زوجي وما بطيقه

انا عمري19 وانا كتير حلوه بجد ومشكلتي الجوهريه زوجي ما بطيقه بالمره بالمره اتزوجتوا غصب عني لاني عندي اب بيخوف وما بسترجي اقول لا لانوا بيوافق واحنا بس يكون عنا علم مو اكتر ولو قلت لا معناها بعرف حد واني مش محترمه يعني برايه الي بترفض بتكون خايفه من الزواج يفضحها من شئ عملتهو مخبياه يعني اب(من عصر الجاهليه)انا ما بنكر اني اساسا ما صدقت اتزوج عشان افتك من عيشة اهلي وعشان اكمل جامعه لاني لولا زوجي ما كان دخلت الجامعه زوجي بيحبني كتير ومدللني وبيحاول يرضيني بكل شئ لكن ما تلوموني انا ما بطيقه انا باظهر الو اني بحبه وبامثل الادوار معه وكاني بفلم وكل شئ من برا قلبي عمري ما حسيت باي شعور وانا معه بالعكس بحسوا لما بيحكيلي بكلام الحب باحسوا بيستهبل وما بيحرك شئ فيا لدرجة اني بليلة العرس اغمى عليا فيها مرتين صار لي متزوجه شهور و بكون مبسوطه كتير وهو بشغله ولما بيرجع بحس بشئ واقف على قلبي هو شكله ابدا مو مقبول وانا ما ناقصني شئ وهو بعيوني بشع كتير بعرف انتوا بتقولوا عني مو منيحه لكن الشعور هدا مو بايدي غير اني من يوم ما رحت الجامعه وانا بشوف الاعجاب بعيون الناس وكتار بيسألوني عن اهلي ليخطبوني ... كمان في شئ ما بعرف شو راح تقولوا عني انا عامله مانع للحمل لاني ما بدي اعيش طول عمري مع زوجي هاد .بعرف ان زوجي ما بيستاهل مني هيك ومرات ضميري بيعزبني لكني بلوم بابا الي بيعمل هيك فينا وهو السبب مش انا انا لو بايدي ما تزوجتوا من الاساس ..