جاوبوني بصراحة

أنا بنت عندي واحد وعشرين سنة وحيدة بابا ويتيمة الام المهم بداية قصتي كانت لما تزوجت بنت خالتي من شب من بلد تاني ورحت لها في يوم بالصيف وطبعا تعرفت هنيك على كامل العيلة ومن بينها كان ابن عم زوجها في الاول كان تعرفنا سطحي كثير وانا ما كنت اهتم بقصص الحب أو بالاصح كنت شايلة فكرة الزواج لحتى اتخرج واحقق كامل طموحاتي الي من بينها الشغل وغيره من طموحات كثيرة مرت الايام ورجعت على بلدي وتفاجأت بيوم وانا بالجامعة برقم ما اعرفو ومن عادتي ما ارد على ارقام مبعرفها فكنسلت من غير حتى ما أفكر المهم الرقم كان مزعج لغاية مرديت عليه وعرفت انو هو الشب نفسه ومن هذاك اليوم واحنا نحكي وكانت اغلب نقاشاتنا عامة جدا ومع مرور الايام كنت احس اني اتعلق بالشب اكثر واكثر وكثير من المرات قررت اعمل حد للعلاقة وما قدرت , رجعت لبنت خالتي واصبحنا نتقابل وكان ياخذ اجازة من الشغل كرمال اننا نحكي لاحظت بنت خالتي اني اطلع معه كثير فحذرتني لكن بالتلميح فقط لكني قلت لها انني عاقلة واعرف ماذا افعل بمستقبلي تواصلت علاقتنا لغاية محبينا بعض ووقعت في الحب وصارحنا بعض بهشي وصرنا نحكي عالتلفون ساعات كثيرة وتقدم لخطبتي فعلا رغم رفض اهلي لانو حسب رايهم ميقدر يعيشني بنفس المستوى لكن انا كنت متيقنة انو ممكن نعيش لو اشتغلنا سوى المهم رحت ادرس بالبلد الي عايش في على اساس اني اعرفه اكثر وكان كل يوم يجي يوصلني للبيت وياخذني عالجامعة في يوم شافته صاحبتي ومعه بنت قالتي الشي هاد فما صدقتها وحكيتلها متحكيني تاني ولما حكيتلو ما انكر لكن قال انها مهندسة بتعمل معه وصدقته انا وقلت في نفسي لو ما كانت زميلة كان فيه ينكر هذا الشي لكن بنفس الوقت ما ارتحت ابدا لكلامه و رجعت استخرت الله في امري اذا اتزوجه او لا مات بابا بعد يومين من الي صار ورجعت على بلدي وامه وبوه اجو على الجنازة لكني ما شفته وما اجا واخذو يحكولي انو عنده شغل وما فيه يجي غير لما يخلصو وللاسف انا مرضت مرض عصبي شديد و رحت مع عمي لبلد اوربي كان عايش فيه لكني شربت المر لتأقلمت مع الوضع وقدرت اخطى المحنة الى ما شفته ولا مرة اجا وزارني او شافني بالمشفى رغم انو في اصحاب كثار كانو من بلاد ابعد وما كنت اعرفهم كثير لكنهم اجو وكنت كل ما احاكي يا اما تعبان او مشغول او رايح ينام !!شكيت بالموضوع وسالت اخته واستحلفتها تحكيلي الصراحة فقالت انو امها مش راضية انو يتزوج بوحدة تعرضت لمرض عصبي !!ولهيك عم يحاول يقنعها :!!لكن الاكيد انو كان يحاول يبعدني عنو لانو اقتنع بفكرة امو المهم انا ما الومها لانه ابنها الوحيد وحاكيتو وقلتلو لو بدك تبعد عني ابعد لكن ما اسمح لك تلعب فيني اكثر وطبعا هو عصب وعمل حالو رجل مشرقي وحكالي انو ما يسمحلي اهين كرامتو اكثر!!وقالي بصريح العبارة ما بدو يشوف وشي تاني واني ما بحترم حالي
بعد كم اسبوع خطب ومبروك عليه وانا الحمد لله تجاوزت الفكرة واخذت درس من التجربة ..طرحت هالتجربة لحتى اخذ رايكم لو انه واحد زوجته مرضت او خطيبته او حتى حبيبته هل يتركها على شفى حفرة من الموت ؟ وهل الحب في راي الرجل هو وسيلة لالتقاط زجاج الوقت المكسور ؟ ام انه مشاعر سامية تتوج بالزواج والرابط القوي ؟ وهالموضوع ممكن فيه فائدة لكل بنت تحب بصدق في احداث كثيرة ما ذكرتها لكن اتمنى الاقي رد صريح منكم
والسلام ختام