ساعدونى بدى حل ضروري

مرحبا
بصراحة انا ترددت كتير قبل م اكتب بهالزاوية بس حاسة حالى مدايقة ومش قادرة فكر فقلت احكيلكم واخد رايكم بس ارجوكم من غير تجريح وستهزاء فيا بليززززززز
مشكلتى انه في شب اعجب فيا وانا كمان وبعت امه تطلبنى هلاء امه ما حبتنى كتير مو قصة حلوة او لا بس هى بدها قريبتها لابنها وكمان اهلى رفضو لقو انه هالشب مو متكافئ معى يعنى انا بتخرج هالفصل وهو لسا من جديد سجل بالجامعة يعنى ملاقيين انه رح اغلب معه فرفضو وانا ملاقية انه اهلى ادرى بمصلحتى مع انى مدايقة بس هالشب برضو ما استسلم ورجع تانى يبعت وسايط لاهلى ليرضو بس بعد ما اقتنعو اهلى ووافقو طلعت امه وصارت تقلي انه كله عندهم ممنوع ممنوع ممنوع يعنى حسستنى انى راح فوت عجهنم لو وافقت فرفضت .بس هلاء انا عم شوف الشب كل يوم وبتجى عينى بعينه بس ما بقدر كلمه ولا هو كمان بس مرة اجتى صحبتى وسائلها ازا كانت تعرفنى وحكالها انى انا شايفة حالى وما بعجبنى العجب وعشان هيك رفضته بس انا متاكدة انه امه وصلتله الصورة غلط وبينتله انى بنت مش نافعة ومغرورة مع انى مش هيك وكل يوم بموت قهر على هالشب والكل محسسينى انى ظلمته لما رفضته بس امه السبب خربت كل شي وهلاء بدى تساعدونى وتقولولى شو اعمل لحتى اوصل للشب انى مو متل ما بقول وانه امه زادتها يعنى فكرت اتجرا وروح كلمه بس ما بقدر وفكرت اتصل فيه بس برضو ما بتطلع منى يعنى شو اعمل لافهمه انى مو متل ما بظن فيا ونى والله بحبه ككتيرررررررر ومقهورة عليه بس يمكن انا حكون سبب تعاسته واسببله مشاكل مع امه مع العلم انى ما راح لاقي شخص بصفاته وشخصيته ارجو بدى الحل بس ما تسخروا منى وتسمعونى كلام فاضي
تحياتي