مشكلتي الاساسيه هي النسيان

انا شاب عمري 22 سنه مشكلتي الاساسيه هي النسيان بدات معي هذه المشكله وانا في الصف السادس كنت اللي اقرأه انساه بشكل مش طبيعي ومع السنين اطور هاد الشي عندي لحين موصلت الصف الاول تانوي فتعبت نفسيا لاني عنجد مش عارف اثبت المعلومات في ذاكرتي التعب النفسي عمل عندي مرض بسموه الخوف الاجتماعي وعمل عندي توتر وعصبيه مش طبيعيه يعني مصيبه فوق مصيبه لحين موصلت التوجيهي وجبت معدل 67 بالزور والحمد لله رب العالمين طبعا خلال فترة المدرسه لفيت الضفه الغربيه عشان اعالج حالي يعني ما خليت ولا دكتور وبالذات دكاترة الاعصاب بس بتعرفوا الادويه اللي اخدتها عملت عندي مرض وسواس وقهري وتوتر بشكل موش طبيعي طبعا بعد ما نجحت بالتوجيهي دخلت سنه جامعه وفشلت طبعا بعد هاي التجربه كنت بحاول انتحر تعرفوا ليش من الجو اللي عندي لانوا جميع اخوتي خريجين جامعات واذكياء بس انا سبحان الله الله هيك خلقني يعني مش بايدي هاد الشي بس اهلي ما اقتنعوا بمرضي وقالولي اني فاشل لانهم جميعهم متعلمين بس والله اني مقهور على حالي طيب شو اسوي هلا انتو بتستغربوا كيف نجحت في التوجيهي والصفوف اللي قبل طبعا انا كنت ما اختم مواد بس كنت اعتمد على الهامي كنت كل امتحان احفض مجموعة اسئله والحمد لله كانت اغلبها تيجي معي في الامتحان لحين موصلت الجامعه طبعا هاي الطريقه فشلت طبعا انا طولت عليكم سامحوني بس انا عنجد حزين ومش عارف شو اساوي يعني انا مشكلتي تنتين : 1- نسيان 2- خوف اجتماعي وانشاءالله بطعتوني حل يارب بعد 22 سنه من القهر والحزن.