قصتى التى عشتها

اول شي انا شاب عمرى هالقيت 18
مشكلتى الها سنين معى بتذكر وانا صغير يعنى 10 او 8 سنين كنا رايحين زيارة عند دار سيدي وفى شارع جنب دار سيدي كلوا بيوت مهجورة كنت انا وابن خالتى اكبر منى بسنة رايحين نشترى حاجات رحنا ميلنا بشارع هادا نتفرج عالدور سمعنا صوت كلب بنبح وعرفنا انو الصوت طالع من البيت المعهجور هاد صرنا نخبط انا وياة هو بإيدو وانا اخبط برجلى وكل مانخبط الصوت يعلى اكتر واكتر لحد مافتح الباب ابن خالتى رجع لورا وشرد ضليت انا طلع من الباب والله على ما اقول شهيد رجل عجوز (شعرو أبيض واقف عيونه حمره قصير القامه ولابس بجامه قديمه كتير) وكان ورا العجوز هادا فى كلبين سود خلف الشباك بنبحوا العجوز مسكنى من ايدي وهو معصب وصار يغلط ويشتمنى ويقلى ابن مين انت شو اسم ابوك وامك ويغلط كلام ويقلى ليش بتزعجوا النايمين وانا اعيط اعيط بعدين العجوز طلع صوت قوى واجى تنين زلام اسود بأسود (زي بتوع النينجا) وقفوا جنبي مش مبينه ملامحهم وانا اعيط بعدين سابنى وقالى ترجعش هنا تانى مرة.
ومن يومها وانا طول الليل سخن ورجليا يجعونى وما حكيت لحد على الى شفتوا لاتوا انا وابن خالتى تواعدنى مانحكى لحد
وبعدها اهلى قطعولى ا لخوفة وتحسنت
بس ضلوا رجليا يجعونى وما اقدر امشي ورحنا عدكاترة قالوا معى حمه رماتزمية وكتبولى إبر بنسلين طويلة الامد وضليت اخد هالابر يمكن 12 سنة وانا اخد لثانوية هالقيت بالفترة هاى صارت مشكلة تانية انو صار عندي الم كتير بفكى رحنا عدكتور الاسنان فكر انو طاحونه العقل بتطلع ويعكونى مسكنات وهيك بس الالم ماراح ضل مستمر وبين بصورة الاشعه انو فى حصوة بالغدةا للعابية ولازم شيلها وعملت العملية وشلت الغدة بس الالم رجع تانى بعد شهر ( وهو الم شديد زى الم الاسنان وتمى بسكر مابفتح غير فتحه صغيرة وبصير ورم) ورحنا على الدكاترة بس كل الفحوصات والصور تكون نضيفة وهالالم يجي كل شهر لمدة اسبوع او 10 ايام اخد مسكنات وشوية ادوية يختفى . بعدين صار يصير معى وجع شديد ببطنى وصدرى وكتافى ما أقدر ارجع ضهرى من الوجع واكون شكلى زى المقوس برضوا هاى المشكلة ماعرفولها حل لانوا الفحوصات نضيفة المهم ضليت على هاى الحالة خمس سنين (بهاد الوقت كنت وقفت ابر البنسلين تعون رجليا) بعدها صرنا نروح على شيوخ شي يقولى محسود وشي يقولى عين وشي يقولى ولا شي يقرالى قرأن بس ما اطيب وشي يقولى معمولى عمل وشي يقولى فيا مس من الجن ويعطونى طبعا اعشاب وزيوت بس بدون نتيجة كلوا علفاضي وضليت بالعوامه هاى غايصين .وفى مرة وانا بتوجيهى يعنى السنة الماضية كنت بدرس بغرفتى والساعه تقريبا 2 او 3(فى عنا عالسطح غرفة كنت حاطت كل كتبي واغراضى فيها و لما ازهق ادرس عالسطح) كان لازمنى كتاب العربي بدي ادرس عربي حسب الخطه الى عاملها بجدول دراستى المهم الوقت كان متأخر طلعت عالسطح لاقيت باب الغرفة مسكر مع انو دايما بكون مفتوح قلت يمكن اخواتى الصغار مسكرينو فتحت الباب وشفت بسم الله الرحمن الرحيم( العجوز يلى شفتوا قبل عشر سنين قاعد عالتخت تبع الغرفة تعت السطح وكتبي كلهم جنبوا وهو يطلع فيا وانا من شدة خوفى مش عارف شو اعمل نسيت اقول اعوذ بالله منا لشيطان الرجيم او احكى البسملة ) ماقدرت اجرى من الخوف بعدها مابعرف كيف ولاقيت حالى ع باب دارنا ومن الصبح بعتت اخواتى يجيبوا كل اغراضي وكتبي عن السطح وحرمت اخش الغرفة هاى وهالقيت مربين فيها حمام وجاج بدل ماتكون متروكة. بعد هيك سافرت على مصر بعد الف غلبة لما اخدنا التحويلة وعملنا التحاليل وصور الاشعه والذي منو واغلبها نضيفة بس كذا دكتور اعصاب قالوا سبب الم فكى انو شريان من المخ ضاغط على العصب الخامس وهو بسبب الالم كل ما بفتح تمى والعملية خطيرة ونسبة نجاحها30 بالمية بس الدوا بنفع اذا اعطى نتيجة وكتبولى كبشة ادوية بس االالم اختفى وحكوا خلص مابلزم عملية جسموا استجاب للادوية وعلى بطنى شخصوا انو معى مرض اسمو(حمه البحر الابيض المتوسط) وهادا المرض مابيروح بضل طول العمر فيا بس بيتاخدلوا زى السكرى والقلب حبوب تقلل نوبة الالم يعنى يصير مثلا يجي بشهر مرة بدل ماكان يجي كل اسبوع المهم قعدنا بمصر شهرين ولما تحسنت رجعت على غزة.
وبعد ما اجيت من السفر ب 5 ايام أنقلب رجع الوجع بفكى اشد من قبل ولا كانوا فى تحسن ووجع بطنى وبطلت افتح تمى يعنى لما اكل اكل عصير اكل مطحون يعنى زى هيك.المهم راسلنا الدكتور وصار يغير ويبدل ويزود بكميات الادوية بس بدون نتيجة حكالنا خلص لازم يجي ع مصر نعملوا العملية مافى حل تانى العملية بتقتل العصب وبروح الالم باذن الله.
ومن يوم ما اجيت من مصر والالم مستمر هالقيت الو 3 شهور وطبعا بدت الجامعه ومارحت مع انو نجحت بتوجيهى بمعدل 80 بالمية أدبي ماقدرت روحح عجامعه كيف بدي ادرس وانا عيان ورممى بالفرشة والمسكنات يلى كنت اخدها(تروفين ايسوفين الترفن ايبروفين حتى اترمال) كلها بطلت تقطع فيا والالم ما يروح يعنى جسمى اخد مناعه المهم مالاقيت قدامى غير الكورتيزون بما انو اقوى انواع المسكنات وكل ما يجي الوجع يوم بعد يوم اخد ابرة كورتيزن وكلمانروح علمستشفى وانا بصوت زى الى بتطلع روحوا يعطونى شوية ابر ومسكنات وعلى الحال وبلوقت هادا عملنا تحويلة تانية بما انو الدكاترة عجزوا عن حالتى اعطونى تحويلة ومش ضايل غير نستنى المعبر يفتح واسافر المهم كان عمى دايما يقول لابويا بدي اودى أبنك عشيخ شاطر كتير هو ببيت لاهيا وناس استفادت عندو ومابياخد مصارى ولا شيكل بس ابويا خلص يأس وانا يأست وبطلت صدق ولا شيخ(صارو بنظرى دجالين) وعمى دايما يقول لابويا بدي اخدو وابويا يطنش لحد ما بيوم مفعول الابرة طبعا راح صرت اصوت الوجع بموت وكل العمارة تزعل عليا وستى بس ماكانو يبينوا انهم زعلانين جابولى الاسعاف واخدونى عالشفا وطبعا كالعادة ابر مسكنات ونيمونى كم يوم بلمسشتفى وطلعونى حلف يمين عمى انو ياخدنى ع شيخ مو خسرانين شي اجى الصبح واخدنى من البيت ورحنا انا وعمى ومرت عمى علي بيت لاهيا المهم شفنا الشيخ وشافنى عالطبيعه وانو مابفتح تمى وانا بصوت مش قادر اتحمل بعدها سوفت من شدة الوجع حكا الشيخ بإذن الله كل شي بيروح بطريقوا (الشيخ بعالج بالجن المسلم هالشيخ الو قصة طويلة مع الجن وعملوا عمليات وطاب وانقذوه وهالقيت بعالج الناس بالجن ) المهم قال لعمى خلوه ينام الليلة لوحدو بالغرفة وانشاللة بصير خير طبعا ابويا مش مصدق كل الهبل هادا ولا انا مصدق عملنا زى ماحكالنا ونمت لحالى بالغرفة وبالليل الساعه 2 والله على ما اقول شهيد وانا متمدد عالسرير مو نايم لانوا تعودت مانام بما انو الوجع كان يشد عليا بالليل ماكنت نام من الوجع المهم الساعه2 بالليل حسيت حالى زى الى بطير بغرفتى ورجليا وقفوا لوحدهم ورجعوا مكانهم وحسيت كل جسمى زى المخلخل وسمعت صوت بإدنى بقولى لا اله الا الله سيدنا محمد هونبي الله وطول الليل ومخى يقول هالعبارة لحالوا والصبح قلت لابويا وعمى وامى شو الى صار معى رحنا عالشيخ وحكنالوا قال عادى فى ناس بشووفهم وبيسلموا عليهم اصلا شكلهم حلو وما بخوفوا حكالى( بعد ما فحصنات طبعا العالم الاخر الطب متطور جدا عندهم قالى عرفنا سبب مشكلتك المعقدة) انو العضمتين بتوع الفك خلقة هما هيك ومافى عصب ولا شي وقال لما باكل وبكبر الضغط بشد عليهم وبسبب الالم حكالى بدك تستحملى كم من يوم لانهم بدهم ينحتوا العضم وبالفعل بالنهار الوجع يختفى(لانهم يكونوا حاطين جهاز يوقع الوجع) وبالليل برجع الوجع وكل يوم ساعه 2 احس روحى طلعت من شدة الوجع احس حدا بقص من عضمى وضليت على الحال هاد اسبوعين وفى يوم باالليل شفت زى ضوايا بيض طوال حوالين تختى وانا بتوجع وسمعت صوتى بداني بيقولى خلص الحمدلله كل شي راح وزى مابترعف الله ابتلاء وبما انك من الصابرين باذن الله كل شي راح الله الى حط عليك والله الى شال واحنا واسطه وما علمنا شي ومبروك هو بكون زى الحلم وصحيت الصبح لاقيت الورم الى كان زى الكورة اختفى وتمى بفتح بمقدار اصباعين والالم اختفى بدون ما اخد ولا ابرة مسكن (مع العلم وزنى زاد كتير من الكورتيزون) رحت نزلت عبيت عمى واخبط واخبط مرت عمى بتقولى شو فى حكتلها انو تمى بفتح قالتلى الحمدلله وصحت عمى وحكتلوا الحمدلله الحمدلله الحمدلله الف مرة بقول الحمدلله الى خلصنى منا لوجع صرت اعيط مش مصدق حكتلى قلت لامك واوبوك قلتلها لأ نايمين طلعت عدارانا وحكتلهم هاتوا الحلوان اجى ابويا وشافنى وانا هالقيت الى اسبوع ما اخدت ولا ابرة يعنى قبل كنت اخد يوم بعد يوم وبفتح تمى عادى وباكل والالم اختفى الحمدلله مبارح رحنا للشيخ نقولوا انى تحسنت كتيرر حكا بعرف ومووضوعك انتهى وشوكة ونقلعت وقلنالوا على بطنى انهم بقولوا مرض حمه بحر المتوسط قال لا ولا يهمك الليلة بنبعتلك دكتور باطنة يفحصك(الدكتور يعنى الجن المسلم لانهم دكاترة) قال عملوا العملية بنسبة نجاح كبيرة وتموا بفتح وخلص بدنا نثبت الغشل الى عملناه بحيث ما يرجعش الالم تانى ويضل التم فاتح على طول وكلوا بفضل الله الحمدلله وهينا بدنا نروح يوم الاربعا مشان قصة بطنى لو طاب الحمدلله ماطاب مش مهم لانوا المهم المشكلة العويصة بتعت فكى اختفت ويارب ماترجع تانى.
والله العظيم كل ما قلتوا الى حصل معى وما كذبت بحرف واحد وسامحونى لانوا طولت عليكوا بس انا حاولت اختصر واختصرت قد ما بقدر