مش راضي يطلق

انا فتاة ابلغ من العمر 27 عاما وموظفة والحمد الله ربي اعطاني قدر من الجمال كنت مرتبطه وانفصلت وبعد فتره كتير كبيره تقدم لخطبتي شاب هاد الشاب متجوز وعندو اطفال وانا طبعا مطلقه ما عندى اطفال وهو بحبنى كان ببني لي ناطحات من السحاب بس بنظري اصبحت سراب لحتي انو دفع مبلغ من المال للي يوفق بيني وبينو علشان اوافق بعد فترة من الزمن وافقت لاني حسيت انو هيسعدني تمت خطبتي وبعد كتب الكتاب بشهر تم توقيف راتبي ولما عرف بلش يخلق مشاكل اولها انو علي علاقة مع فتاة كان بحبها قبل ما اوافق عليه فلما اخبرتو انو يختارها يإيما يختارني رفض الاجابة فاعطيتة مهله لينهي علاقتة بيها مدة ثلاث ايام فوافق خرج من بيتنا ساعة الاتفاق فاذا به لم يتصل علي او يزورني لمدة 15 يوم فلما قررت الانفصال وفك الشراكة صار يبعث لي ناس انو انهي العلاقة معها وياستي انو كل انسان بغلط أعطيه فرصه فوافقت واعطيتو فرص وبعد شهرين رجع يعمل مشكلة تانية وتالثة المهم الي 8 شهور خاطبة ولا شهر بعدي الا بعمل فيه مشكلة والمشكلة انو بهجرني بالشهر والشهرين هاد وانا بعيدة عنو كيف بكرة لما اكون عندو وانا بصراحه خايفة منو بشكل وبنفس الوقت وخايفا اسيبو لانو كلام الناس ما برحمش هيقولو انو هاي كل يوم بدها رجال ومش ناويا علي العيش بس والله العظيم اني بدي اعيش بس ما بعرف ليه نصيبي كده زي الوحل انا تعبت واغلب الناس بئولو سبيكي منو بس للاسف مش راضي يطلق مع اني مستعدة ادفعلو كل الي خسروا كاش فياريت تعطوني رايكم وشو اعمل لااني والله تعبت وحابه أحكي إنو توجهت للمحكمة فرفضو تطليقي رغم دفعي للمبلغ الي دفعلو بالكامل هنا كانت نظرت القاضي خلع وحكي مافي عنا هون خلع مع انو ظروفه المادية ممتازة جدا لكن بخيل بشكل مش طبيعي وانا تعبت من هيك اشى بدى الحل شو اعمل بتمنى من الله انو تعطونى رايكم
واحيانا ما بعرف وين المشكله وفى مين