انصحوني نصيحة جاده ومسؤؤلة

انا رجل عمري 44 سنة كنت عايش بدبي ومتزوج بنت مغربيه وعندي طفل حصل بينا خلاف بسبب الاقامه المهم انفصلنا عن بعضنا البعض وبسبب الظروف الاقتصادية في دبي خرجت من شغلي ورجعت للضفه ومعي ابني بعد ما تفاهمت مع زوجتي ودفعت لها مبلغ مقابل اخد ابني معي
المهم استقريت بالضفه ووضعي المالي جيد جدا وعملت مشروع والحمد لله وانا مبسوط
بعد سنة من رجوعي بدات افكر بالزواج ولكن والدتي التي احبها جدا فوق ما تتصورو ومستعد اعطيها كل اموالي بس ترضى عني الها بنت اخت عمرها 17 سنة وهي ارمله حيث توفي زوجها بحادث سير بعد زواجهم بشهرين وهي بنت حلوه وجميلة
كان راي امي ان اتزوجها المشكله ما في عيب في البنت ابدا واهلها موافقين وهي كمان موافقه
بس انا اللي متردد فهي طفلة وصغيره خايف ما اتفاهم معها واظلمها انا لو خلفت اول ما تزوجت كان ابني من عمرها وانا رجل اكبر منها بكثير صدقوني ما بنام في الليل وانا بفكر في هالموضوع كيف رح اعاشر بنت من عمر اولادي وكيف رح تكون علاقتها مع ابني وهي اصلا طفله صغيره
لكن امي بتحكيلي هاي بنت خالتك وبدنا نستر عليها صدقوني ما عندي مشكله بس العمر اللي بينا وانا كنت متزوج ومكثت مع زوجتي الاولى 13 سنة رجاء تنصحوني هل يعقل ان اتزوج بنت صغيره وكيف رح يكون شعورها
هل ستعاملني كزوج وحبيب ام كأب
وهل ساعاملها كامراه وزوجه ام ساعاملها كطفله
المساله مش بسيطه هذا زواج العمر
رجاء تنصحوني وصدقوني رح اعمل بنصيحتكم اذا اجمعتم على شي وشكرا لكم