احسست بفراغ عاطفي كبير

بسم الله الرحمن الرحيم

السلام عليكم ورحمة الله وبركاته جميعآ

اخواني واخواتي في دنيا الوطن

انا شب من الضفة من حوالي شي سنة حبيت بنت وهي من غزة وحبيتها كتير لدرجة الجنون والموت فيها,,,وما زلت وسأبقي وصار ظروف معها وصار التواصل بينا قليل,,وهي بتعرف انو بحبها كتير وانا ما عندي شك بأي شي بحبها بس المشكلة انو هاي الظروف يلي ابعدتها عني وصار التواصل بينا قليل عزبتني كتير,وبطلت اعرف شو اعمل على طول تفكيري فيها ليل نهار وبتخليها كتير وبشتئلها كتير والمشكلة هون انو من لما صارت الظروف صرت احسس بشوية ملل مش من حبها بس من الظروف يلي مو مساعدتنا ومو جاي بصفنا وانا بحبها اكتر ما تتصورو ونفسي اليوم قبل بكرة اكون حدها وتكون حدي ويجمعنا بيت واحد
والمهم انو بهاي الفترة انا احسست بفراغ عاطفي كبير بسبب ظروفها وبعدها عني,,وبيوم من الايام اجتني اضافة واتعرفت على بنت تكبرني ب ثمانية سنين,,ومع الايام وتبادل الحديث والنقاشات قالت لي بأنها تعلقت بي وبأنها مرتاحة معي جدآ وبأنها تحلم بي يوميآ وتتخيلني بجانها بنفس الوقت البنت هاي من غزة وهي اكبر مني وانا ما بعرف شو اعمل يعني صرحتلي بحبها لألي وصارت تبعتلي مسجات ,وبصراحة انا محتار كل ما تيجي ببالي بحس انو عم خون البنت يلي حبيتها وحبتني,ولو بتفكير ما بعرف شو اعمل انا بحب البنت الاولى وبحبها كتير كتير كتير وما بتخيل حياتي بدونها بس المشكلة انو البنت التانية اكبر مني وصرحتلي بحبها وصار بينا تواصل ومكالمات,وحكي ومسجات وانا بكون احكي معها ومو حاسس بأي شي بضل خايف انو اتعلق فيها مع اني بحب وكتير بحب حبيبتي,وهاي الشغلة كتير عم تقلقني,وما عم بعرف فكر او اخود قرار اضل احكي مع البنت الاكبر مني كأخت وصديقة ,,ولا احكيلها اسف ما راح اقدر اكمل معك وانا مرتبط وبحب,مع انو ما بدي اجرحها وبنفس الوقت ما بدي اجرح حبيبتي الاولى,كتير حاسس بخوف,وخايف كمان يكون اختبار من الحبيبة والله يلي بحب بضل خايف وانا ما بعمل شي يعني هي بتحكيلي بحبك وكلام كتير بس انا مو حاسس بأي شي غير انو بدي سد هلفراغ العاطفي لحتى تنحل الظروف مع البنت الاولى,وما بعرف كمان عندي مشكلة انو كل ما احكي مع بنت ما بمر فترة قصيرة اللى وهي متعلقة فيني وبتحكيلي انو اتعلقت فيك وانت قريب من القلب ما بعرف ليش هيك بصير معي,,,كتير محتار وانا بحب حبيبتي كتيرررونفسي القي طريقة انو ادخل غزة لحتى كمل نص ديني واتقدم للبنت يلي حبيتها ويلي ما راح حب غيرها بحياتي,أما البنت الاكبر مني وأنا احكي معها بضل خايف منها وبنفس الوقت ما بدي اخون حبيبتي,,,بليييييييز شو اعمل وياريت بدون تجريح وأسف ع الاطالة؟؟؟