انا كتير تعبانة

مرحبا قراء دنيا الوطن الكرام
انا بدى تساعدونى بمشكلتى ولا تكونوا قاسيين معى لانه بعرف انا غلطت غلطة كبيرة وضميرى يعذبنى كتير بس ارجوكم ما تجرحونى وما فى حدا فى الدنيا ما بيغلط .
الموضوع باختصار انا بنت عمرى هلآ 19 سنة تعرفت على شاب عن طريق النت وحكالى بدو يشوف صورتى وكنت رافضة فى البداية بعدين حسيت انه شاب منيح بعتلو صورة جماعية انا وصحباتى بعدين اختار بنت من الصورة وحكالى انا حاسس انه هاى انتى ما بعرف ليش كزبت وحكيتله فعلا هاى صورتى مع انها صورة صحبتى مش انا بعدين صرنا نحكى كتير مع بعض على الجوال واتعلقت فيه كتير وهو صارحنى بحبه واستمرينا على هاى الحالة اكتر من سنة هو خلص الجامعة السنة هاى وحكالى بدو يجى بيت اهلى يخطبنى ومن ساعتها قفلت الجوال وما بقيت ارد ولا حتى على ايملاتة هو راح ينجن وما بيعرف انا ليش بتصرف معه هيك .
وصحبتى اللى هو مفكرنى هيا ما بقدر اتطلع بعيونها وبدأت ابعد عنها وهيا كمان مستغربة كتير من معاملتى الها .
انا كتير تعبانة وبتقطع من جوا عن جد ضميرى بيعذبنى كتير وكمان بحبه كتير وما بتخيل حياتى من دونه ارجوكم ساعدونى من دون تجريح.