ماما وبابا تلت رباع السنة متخانقين

انا بنت عمري 15 عايشة مع اهلي ببيت جدي (ابو ماما الله يرحمه) وهاد الشي لوحدو عامل عندي عقدة نفسية لانو كل قرايبنا عندهم بيوت ما عدا نحنا ما عنا حتى ظروف بابا ما بتسمحلو انو يستاجرلنا بيت وخالاتي وبناتهم كل ما ييجو عنا بيضلو يسمعونا كلام انو هاد البيت مو بيتكم هاد بيت جدنا وانا بتدايق كتير من هالكلام وكل حفلات اولادهم او اعياد اميلاد بيعملوها عنا بحجة انو هاد بيت العيلة وياريت بتبقى على هيك وبس ماما وبابا تلت رباع السنة متخانقين وما بيحكو مع بعض يعني نحنا صار لازم كل يوم تصير عنا مشكلة بالبيت انا عندي اخ واخت اكبر مني بس اخي بيضل مع صحابو وما بيرجع الا لاخر الليل واختي مو سألانة على حد وانا ما عندي حد احكيلو همي غيركم وياريت تساعدوني بس من دون تجريح بالكلام