ما الحل برأيكم

انا شاب ابلغ من العمر 24 سنة من سكان مدينة نابلس احببت فتاة عندما دخلت الى الجامعة واصبحنا اروح حبيبين في الدنيا حبنا اكبر شي في الدنيا ولكن تفاجئت ان البنت التي احبها لا تحب ان اقول لها بان هذا الشيء لا يجوز او ما بحبه بتحب تساوي الي براسها وبس وعنيده كتير معي لدرجة انها كانت تحكي مع غيري( شب) تاني وانا وهي بنحكي مع بعض وعندما رايتها بالصدفة معو وسالتها قالت ولا شي صديق عادي والاهم انه من بره الجامعة وصدقت وقلت كله فدا الحب بهون وبعد فتره لقيتها بتحكي مع شب سمعته مو منيحة ولما سالت قالت ما دخلك وصار بيني وبين الشب مشكلة وصلت للتهديد وبطلت احكي معاها لكن للاسف قلبي طيب بعد اسبوع دخلت شب صاحبي بالموضوع ورجعت حكيت معاها بس هي مو شارية كانت تمشي مع شلة بنات في منهم مناح والباقي لا باجي انصحها يا (م) فلانه سيبيكي منها عالفاضي لدرجة انها كانت تدخن معهم وانا ما بعرف والاهم من هيك اني ضليت معاها تحت اسم الحب وقبل ما نتخرج خلقت مشكلة من تحت الارض وتركنا بعض ونقطعت اخبارها وما بعرف عنها شي بالمرة ونسيت الموضوع انتبهت لحالي ولمستقبلي وكونت نفسي صح بفترة 3 سنين وصار وضعي الوظيفي والمادي بفضل تمام وبعد فترة بتتصل في انها خطبت وبتشتغل بشركة باركتلها وطمنت عليها وكل شي عادي وبعد شهرين بتتصل في وبتقول انها تركت خطيبها من طيبة البي رجعت الها ما بنكر اني كنت اعرف بنت غيرها بتعبد التراب الي بمشي عليه بس ما كنت قادر احبها مع اني كنت اقعد معاها بس للاسف تركتها ورجعت للحب القديم ورجعنا واحسن من اول بمليون مرة وبتفاجئ معارفها كتار المهم حاولت اطنش طبعا هي فيها طبع أي شي بتساويه صح او غلط بكون فيه اله حجة و مبرر واسلوب اقناع جيد بس انا من النوع الي ما بقتنع بسهولة يعني بكون فاهملها كترت المشاكل لانه بتطلع كتير والشباب الي بتعرفهم (الاصدقاء) بتصلوا فيها وهيك اشياء ورغم هيك ضليت معاها وخططت انه بعد العيد الخطبة وبعد شهر من الخطبة بنتزوج لكن المشاكل كترت بزيادة صرت احسن انه بتخلق المشاكل خلقة لابعد والسبب غير معلوم طريقتها معي بالكلام مو منيحة بتستفزني وما بعرف ازا فيه وحدة بتقول لانسان بحبها انتا خانئني ومدايقني بدي حل مشان الله شو اعمل واحنا هلا ما بنحكي مع بعض ارجو الرد بكل صدق وصراحة وشكرا لكم