ليه معظم الرجالة بيحملونا جميلة انهم صايمين

نفسي افهم ليه ...؟؟ ,طيب هما بيصوموا لمين إلنا ولا لالله..بتكون روحهم في منخيرهم وين الصبر بروح مش عارف ,,, وليه احنا النساء بنصوم وطول الوقت شغالين في البيت وفي المطبخ وياريت عاجبهم واقل من 3 اصناف للاسرة المتوسطة الحال مستحيل تلاقي غير السلطات والعصائر والحلويات ,,,
احنا بنعملهم واحنا ساكتين وراضيين ,,لكن اذا تاخرنا دقيقة وحدة عن حط السفرة ,بتقوم القيامة وما بتقعد وما في اعذار,, وبيكونو صايمين الهم فوق ال15 ساعة وخمس دقايق ما بيقدرو يصبروا ,,
ويا ويلك اذاطلبتي منو شغلة او نقصك حاجة او حكتيلو صلح شي بتلاقيه عيونو احمروا وصار يغلي وبقلك مش شيفاني صايم وتعبان وقرفان حالي ابعدي عني انتي وولادك وخلي هالنهار يمضى على خير واذا كررتي الطلب بيصير يتحلفلك وبيهددك ويتوعدك وممكن يحكي غير اخليكي تعيدى في العيد عن جد ... او بدك تضيعي علينا رمضان طييييييييب حسابك بعدين .. هاد شوية كلام من بعض الصائمين ...
ولااااا المدخنين ما بيكونو طايقين حدا يحكيلهم كيف الصيام معك ...
هذا جزء من الي بنشوفو وبنسمعوا .......والمخفي اعظم واكتر..وانا ما بعمم ..
وربنا يهدي الجميع