بكل سهولة تركني

مرحبا

انا طالبة جامعية مريت بتجربة حب حلوة اكتيير لانه هالحب طلعني من ظلام كنت بعيشه لحياة حلوة كتير كتير بصراحة قبل ما امر بهيك تجربة كنت مسكرة قلبي بقفل من حديد لاني بعرف نهاية القصص اغلبها بتفشل وبتجرح وانا كنت اتجنبها وبصراحة مريت بمرحلة حب مو بايدي واتعلقت اكتير بحيبي صارلنا سنة انا وهوة اكتر من روح واحدة وانا بصراحة اعشقته واتعلقت فيه متل الطفل لما يتعلق بامه وبصراحة حبيبي عصبي اكتير اكتير وكتير بنفس الوقت طيوب كتير صارت بينا خلافات وارجعنا لبعض بس صار خلاف بسيط كتير اخر مرة ولاتفه الاسباب بكل سهولة تركني وحكالي انه كل واحد من طريقه لانه عقلي ما بيجي على عقله وما بعرف شو وبصراحة انا من لما صارت هالمشكلة وانا قلبي صار متل الصخر لابعرف النوم ولا الدراسة خاصة اني حاليا فصل تخرج وحاسة حالي ضايعة من دونه كل يوم عم بنزف دم من عيوني عليه لانه انا بدونه ولا اشي ولاني اشتقتله كتير انا حاليا تعبانة كتير وصحتي متدهورة جدا بتمنى الموت الف مرة ولا اني اعيش بدونه لاني بدونه جسد بدون روح يا ريت تحكولي شو اعمل بمشكلتي هادي

ارجع احكي معه واتفاهم معه ام اني اضل كاتمة بقلبي ومتجنبه الناس كلها واضل بصحتي يلي بتتدهور كل يوم والتاني شو بتقنعوني اعمل .........