نفسيتي تعبت من كلامه

انا من قراء صحيفة دنيا الوطن واحببت ان اعرض مشكلتي المؤلمه وهي اني امراة متزوجة منذ سنوات قليلة من رجل معروف عنه بين الناس انه محترم واخلاقه عالية وانجبت منه وبغض النظر عن كل المشاكل الي عانيتها معه واللي بعدني بعانيها الا انه في شغلة بلشت تظهر من جديد
من فترة سنة تقريبا وزوجي بطلب مني احضار واحده اخرى لمشاركتنا علاقتنا الزوجية وما بدي احكي اني حلوة ومش مقصرة معه.. لا بس لاني عارفة امكانياتي ولاني اكيدة انه الجمال وعدم التقصير ما اله علاقة بالموضوع
نفسيتي تعبت من كلامه وللعلم كلامه هاد بكون في اللحظات اللي بتجمعني معه بالعلاقة الزوجية وبعدها ولا بكون هو
وصلني لمرحلة اني كرهت فيها جسمي وحالي وحتى اطفالي وهل ممكن يكون في باله حد معين سواء من صاحباتي او معارفي ؟!! لانه بصراحة صرت اشك بهيك انا وهل ممكن يكون كلامه هاد فقط لاثارة نفسه خصوصي انه متعلق فيي وما بذكر الكلام هاد الا في تلك اللحظات
الموضوع حساس وكبير ومش عارفة لو صارحت حدا فيه شو ممكن تكون النتيجة وكل مرة بقرر فيها احكي لحد من اهلي وبلحظة ما اطلع في وجه بنتي وابني ببطل وبتراجع وبقول بدي اتحمل واربي ولادي
ارجوكم فيدوني