الشباب بين الاهل والزوجة

سؤال للشباب
ليش الواحد منكم لما يخطب او يتزوج بنسى اهله وبصير بس همه كيف يرضي مرته
ليش الشباب ما بفكروا ولو مرة يهدي امه او اخته بشي مناسبة ويتذكرهم او حتى يفكر يحكي معهم بينما لما بخطب بتظهر مواهبه وبصير يعرف كل المناسبات اللي بتلزم واللي ما بتلزم وبعرف يجيب هدايا كمان
ليش ما عندكم احساس باهلكم في حد منكم فكر شي مرة باخته خاصة اللي عنده خوات عدوا ال 30 وما اتزوجوا انه يجبر بخاطرها ويحكيلي تعالي نطلع شي مكان او يقعد معها ويسمعله او يتذكرها بالمناسبات بينما مع خطيبته بقعد بالساعات وهو يحكي بالتليفون وما بخلص ومستعد يعطيها عمره وكلمتها ما بتصير تنتين عنده
انا ما بحكي انه يقصر مع مرته بالعكس يسعدها ويحفظها ويقدرها بس برضه يفكر ولو شي مرة باخته ربع اللي بفكروا بخطيبته او مرته والله جبر الخواطر ما في منه يا شباب
الواحد بقدر يجيب 100 مرة بس ما بقدر يجيب اخ او اخت او ام او اب تانيين.