مستحيل تتزوجي وتطلعي من الضفة

السلام عليكم جميعآ

انا اليوم جاي احكي بموضوع كتير عم يحصل بمجتمعنا الفلسطيني خاصة والعربي عامة.
هلا اكيد كلنا بنعرف الظروف الصعبة يلي بتمر فيها فلسطين وخصوصآ قطاعنا الحبيب غزة.وكلنا بنعرف انو الحب والنصيب ما بيعرف زمان ولا مكان وكمان حابب اسال الجميع ليش العنصرية او التحيز او التميز لساتو عم يدمر بمجتمعنا .ليش لما يكون في حد من الضفة بحب بنت من غزة ونفسو يعيش معها العمر كله وتكون الو لوحده.الكل بحكيلو انسى الموضوع وما في أمل هل نحن اصبحنا اكرم من الله عز وجل؟.؟ ام نحن اصبحنا نعلم بلغيب بأنو ما في أمل ومستحيل توصل للبنت يلي بتحبها.الكل بعرف الظروف وكل واحد بحكي يلي بشوفو طيب ليش ما بنفكر بعقل شوي وبحكمة انو مافي شي بهدنيا مستحيل.وانو ما في شي بقدر يوقف بوجه القدر .ليش بطلنا نؤمن بأنو الحياة والزمن دوار ومتل ما الك يوم بهدنيا عليك يوم.يعني بصراحة انا بحب بنت غزة ومتعلق فيها كتير بس يلي حابب اعرفو ليش لما البنت لمحت لأبوها انو انا بدي اتزوج واطلع من غزة بدي اروح ع الضفة.رفض على طول وحكالها مستحيل كسر قلب البنت يلي بحبها وهي اجت لتكسر قلبي وتحطم كل الاحلام.لشو التميز هاد يعني احنا الاولاد الشباب والبنات شو ذنبنا لحتى نتحمل اعباء الحصار واعباء الناس الاكبر منا .ليش لما نحب حد الظروف بتحكمنا على طول.؟وبنصير نحكي كلام انو ما في امل وما في نصيب من مجرد كلام.وبنيجي لحتى نكسر قلوب بعض وندمر بعض.ليش بحبو بعض ما يتحدو الظروف ويكونو اقوى.ويضلو يحبو بعض.ويتحدو كل شي انا هون ما بحكي يتحدو الاهل.بس لازم الاهل يرضو بلامر الواقع يعني البنت او الشب لما بدها او بدو يتزوج.مين يلي راح يعيش حياتو هل الاهل راح يعيشو عن بنتهم.او عن ابنهم.ليش ما نترك.القرار للأشخاص يلي راح يعيشو مع بعض طول العمر ويكونو عيلة.يعني لشو اهل غزة بنضرو لاهل الضفة انو ناس مو مناح او انو مستحيل تعيشي بضفة.يعني هل الضفة اصبحت خارج نطاق الوطن مع غزة.ام ان غزة اصبحت لا يليق اهلها بأهل الضفة.لماذا نحن بتصرفات اهلنا نزيد الانقسام .ونرضخ للظروف وللأمر الواقع ما في بهدنيا مستحيل ربنا اكرم منا جميعآ ؟
رسالة بوجها لكل الاهل .لا توقفو بوجه سعادة ابنائكم.ولا تحكمو على الاشخاص من منظور ضيق لا ترون من خلاله اللى الامور التي تهمكم انتم .اولآ عن اخيرآ البنت اخرتها راح تتزوج وتطلع من بيت اهلها ليش لحتى نوضع العقبات بطريقها من اول حياتها مستحيل تتزوجي وتطلعي من غزة مستحيل تتزوجي وتطلعي من الضفة.ليش هيك الكل صار يعمل مع ابنائو.يعني اهلنا بغزة الا يكفيهم بأنهم يذوقون الامرين ويتحدون الظروف لماذا نزيد من هموم ابنائنا بتكريس العنصرية.عارف موضوعي طويل ومتشعب.بس حابب اعرف شو الفرق بين الضفة وغزة وشو الفرق بين عادتنا وعادت اهل غزة.اليس نحن ابناء وطن واحد وجميعنا ان لانكون اقارب فنحن انسباء وان كان غير ذالك لايجيب ان نقف بوجه سعادة ابنائنا وسعادتنا ونخرب بيوتنا بإيدينا.ونكسر قلوب ابنائنا وبناتنا.بسبب الظروف وبسبب مافي طلعة من غزة ومافي طلعة من الضفة ع غزة ليش ما نبين للعالم بانو احنا شعب من حقنا انو نعيش مثل باقي الشعوب.ليش ما نعطي ونوخد من بعض ونضحي لبعض لحتى يعرف كل العالم انو الشعب الفلسطيني لا يحكم بلقوة.وانو احنا اقوى من كل الحصار ومن كل التأمرات,.اليوم انا جاي احكي لكل الشباب والبنات والاهل,ما تخلو الظروف تتحكم فيكم نحن الذي نصنع الظروف وليس الظروف هي التي تصنعنا وتتحكم بنا.لا تدعو التميز والتحيز يكسر قلوب من احببنا.ولا تدعو اي شئ يتحكم بكم.ليس نحن من اخترنا ان تكون حياتنا بهذه الظروف.ولكن حكمنا بأنا فلسطينين ليس اكثر.
{وأخير ...من لا يضحي من اجل حبه وحبيبته.فلا يستحق ان يحبه احد.}
اسف ع الاطالة ولكن انا اريد ان اوصل للجميع بانو مافي شي مستحيل بدنيا واذا احبينا بصدق واخلاص لازم نتحد ى كل الظروف وما نسمح للظروف تتحكم فينا وتفرق بينا وتفتت الشعب الى شعوب.
والسلام ختام

مع التحية.
اخوكم: رأفـــت