عانيت الكثير في زواجي والتعذيب من زوجي

انا امراة عمري 25 سنة عانيت الكثير في زواجي و التعذيب من زوجي تغذيب نفسي و جسدي و كنت دائما اكذب على اهلي و على الناس و اقنعهم اني سعيدة عشان خايفة علي زعل اهلي اذا عرفو اني مش سعيدة بحياتي كنت دايما اخدعهم عشان خايفة على مشاعرهم و بحسب حساب لزعلهم و بحسب حساب لكلام الناس اذا اطلقت و خصوصا صارلي متزوجة فترة مش قليلة و عندي عدد اطفال كتير
و دايما بفكر في اهلي و بفكر في الناس و بفكر في ولادي و لا مرة فكرت في نفسي
كان همي ارضي ولادي و اهلي و الناس على حساب كرامتي و على حساب صحتي و راحتي
بس اليوم طفح الكيل و الصراحة طافح من زمان بس كنت اتحمل اليوم مش قادرة اتحمل
لا يكلف الله نفسا الا وسعها
عنجد اتعبت تعب الله وحدو يعلمو انضربت ضرب الله وحدو يعملو انسبيت و انشتمت ابشع كلمات السب ابشع كلمات ممكن تتخيلوها
و هادا كلو من دون اي سبب
الغريب انو هادا الكلام لما اقوله للناس محدش بصدقني
الكل بقول مفيش واحد بعمل هيك في مرتو الا تكون مقصرا معاه و الله الغظيم و ربي يشهد عليا اني ما قصرت من يوم ما اتجوزنا في حاجة
بس مين يقتنع بكلامي
ربنا وحدو يعلم حالي و ربنا وحدو شاهد و عالم فيا و في الظلم الي عشتو
انا اليوم بدي اتطلق اهلي اصرو انو لازم اترك ولادي
انا تركتهم ربنا يعلم اني مش قادرة اتحمل بعدهم عني ثانية بس هادا كلو ارضيتو في سبيل انو اتطلق و اتريح
كنت بدي اعرف منكم ايش ممكن تكون نظرة الناس و المجتمع الي انا راح اكون مطلقة و عندي عدد كبير من الاطفال و انا صغيرة في العمر
انا خايفة كتير من كلام الناس مع اني مؤمنة كتير بالله بس
بضل المجتمع الو نظرتو و حكمو القاسي دايما على المراة
كل الناس حتقول اتطلقت و سابت كوم اطفال وراها
بس هي الظاهر الهم محدش طبعا بعرف ايش اللي وصلني للحال