حلولي اياها..اكيد مش هتصعب عليكم

سلام عليكم...
صارلي فترة بتصفح موقع دنيا الوطن يعني بتعرفوا بحكم انو الواحد برا بحب يتطمن عالبلد و اهلها و شبابها و بناتها و مشاكلهم و كيف بفكروا, فلفتت انتباهي فقرة "اريد حلا" و اكتشفت منها شغلة:
انو اللي بحااو مشاكل "اكتر" من اللي عندهم مشاكل و انو كل الناس في البلد عنا بتنولد و معها بكالوريوس خدمة اجتماعية, و بما انو التعليقات "طبعا مش تافهة" و المشاكل اللي بتنطرح "مش تافهة بالمرة" بدي ايكم تساعدوني و تحلولي هالمشكلة:
انا بلدي يا جماعة محتل, بتعرفوا شو يعني محتل؟؟ اكيد اللي بيحضر mbc 4 and mbc2ما بيعرف شو يعني احتلال, يعني في عنا حواجز عسكرية و جمود برشاشات و دبابات و ما في عنا كرامة و لا حرية راي و لا تعبير و لا تعليم و لا شغل و في عنا اسرى و امهات اسرى...و شهدا و ابناء شهدا...و جرحى و ثكلى و طلاب ممتبهدليين بالداخل و الخارج اشي ناقصه مصاري ليكمل و اشي الجيش مطاردة بالداخل و اشي اجهزة الامن العربية منكدة عليه بالخارج... و بتعرفوا كمان شو في عنا؟ في عندي في بلدي و اسمها عفكرة فلسطين..ناس مريضة..مش لاقية مستشفى تتعالج فيه...و اللي لئي مسنشفى مش قادر يسافر يتعالج...و بضل يستنى في الموت شوي شوي..واهله بتفرجوا..بالزبط زي الافلام اللي بتحضروها على one tv...يعنى دراما كاملة على كيف كيفكم يا معلقين يا محترمين با مؤدبين يا واعيين...

حلولي اياها.....اكيد مش هتصعب عليكم..
اخوكم