قالوا عني مجنونه لاني بدي اتزوج ضفاوي

انا فتاه بعمر العشرين بحب شاب من الضفة وطلب ايدي وهو بحبني اكتر من حالو ومش ممكن يعيش بدوني ولو يوم وانا بفضل الموت على اني اتزوج من غيرو بس المشكله بالناس والمجتمع الي عندي اي انو بس الي فيها شي وما ماشي سوقها الي بتتزوج للضفة ..
انا بنت ما ناقصني شي بنت عيله ولا ناقصني مال ولا جمال المشكله اني من سخنين اي من عرب اسرائيل وهو من الضفة ولاني عم بعمل المستحيل اني اتزوجو الناس صارت تلقبني بالمجنونه وكل يوم نصائح عن الضفة وحياتهم الصعبه واني ما راح اتحمل عيشتهم انا بقولهم انو بدي اعيش معو حتى لو بكوخ المهم اني معه بس اهلي مستحيل يوافقوا وما راح يوافقوا وبابا بقولي لو تموتي ما بزوجك للضفة وانا وهو حب من 4 سنين واحنا دايما بنشوف بعض برام الله واهلي بحرموني من كتير اشياء لاني بشوفو بس بالاخير بعذروني لانهم عارفين انو مش سهل اني ابعد عنو يمكن تقولو مشكلتي سهله وتافه بس بسبب هالمشكلة حياتي عم بتتحطم ...
بصراحه انا ما كتبت لالاقي حل لاني حاطه املي برب العالمين ولو الي نصيب معو راح اوخدو بس حبيت اطلع شوي من الي بقلبي واتحملوني ..
وشكرا