كنت اعرف بنت من الامارات

قصتي بدأت علي النت كنت اعرف بنت علاقة صداقة محترمة هي من الامارات اصلها فلسطنية من غزه في احد الايام عرفتني علي بنت عمها بدأت علاقة خفيفة صداقة عادية جدا مرت الايام زادة العلاقة بعد اكثر من سنة اصبحت علاقة قوية تقريبا كنا كل يوم نتكلم علي الاميل عادي بعد اكثر من سنة ونص رضيت انو نتكلم علي المايك ومن بعدها بدأت اتعلق فيها وبعد اكثر من سنتين تكلمنا علي الجوال للمرة الاولي وبدأت احبها بشكل جنوني وهي نفس الاحساس كنا ما يمر يوم الا نتكلم كل يوم لزم اسمع صوتها حتي يوم ما اكون في الشغل كانت تتصلي علي كان حب جنوني بكل ما للكلمة من معني حسيت الحياة بطعم تاني يوم ما عرفت هدي البنت .

كان في العادة كل صيف بنزلو علي غزه علي اقاربهم وكنت اتفقنا انو اول ما تنزل علي غزه اني اخطبها

وكان اتقدملها ابن عمتها اول مرة ورفضت بحجة الدراسة واجا الصيف لكن كانت حماس فازت في الانتخبات وكان الاوضاع كثير صعبة ومشاكل داخلية واحداث اتاجلت لزيارة لسنة تانية ورجع اتقدم الها ابن عمتها ورفضت للمرة التانية

واجا الصيف الي بعدو لكن للاسف ما في معابر

وبعد هيك انغصب عليها ابن عمتها وقطعت علاقتها فية

واتصلت علي للمرة الاخيرة

قالت لي بلحرف الواحد انا ما بقدر اكون ل تنين

صح راح اضلني احبك طول عمري وما راح انساك لكن انا ما بقدر اكون لتنين وارجو انك تقدر ضروفي

وصارت تبكي حتي اني ما كنت افهم كلامها من كثر ما كانت تبكي .

وبعد هيك بطلت ترد علي جوال ولا تفتح نت وانا مش عارف شو اعمل

انا بحبها بشكل جنوني حتي اني مفكر اطلع علي الامارات عشان اشوفها وهيني قدمت لجواز سفر بس بستنا المعابر تفتح

يا ريت حد يسعدني يحكيلي شو اعمل انا بحبها جد ما بقدر ابطل افكر فيها او اني اكون لغيرها

يعني هي النا من ايام ذكري ابو عمار ما بتحكي معي ولا بعرف عنها شي الا اني مش قادر لو للحضة ما افكر فيها او اتزكر صوتها الي دايما في بالي ما بفرقني

في انتضار ردودكم واقترحاتكم