اتعرفت على شخص عن طريق الجوال

انقذوني ب الله عليكم

حابة تحكولي رايكوا في هدا الموقف

انا فتاه ابلغ من العمر 19 مخلصه توجيهي من سنتين

من عائله ولله الحمد الكل بشكر فيها

انا الاخت التانيه لسبعه ابناء

والابنه الكبرى


اتعرفت على شخص عن طريق الجوال

مابعرف من وين جاب رقمي المهم

اتعرفت عليه حبيته وحبني على حد قوله

وصرنا نحكي باايميل

ماشفت اطيب من هالشخص ولااحن عليا من اي شخص بعد بابا

وهاد يلي عجبني فيه بحكم ظروفي الاسريه مابتسمح

اطلع الا بوجود ابي او احد من افراد العيله

الشخص هاد ولاعمره حكالي بدي شوفلك على الطبيعه برغم انه شافني بكافة انواع الصور واعجب فيا متل منا شفته

واعجبت فيه

وضلينا على تواصل بالجوال نتصل وكانت اسعد ايام حياتي

وانا بحكي معه وكل مامنحكي مع بعض بيزيد حبي اله

اتفقت انا والشب اننا نلتقي برا غزه

بحكم انو انا بسافر كل سنه لسوريه عند اخوالي

وبحكم الوضع يلي بغزه تغيرت كل الخطط

وفجأه يوم فتح معبر رفح كنت محرومه من امساك جوالي قبل تلات ايام من فتح المعبر

والشب يلي بحبو كان يتصل ويبعت مسجات وانا ماعندي علم

بنفس اليوم يلي فتح المعبر استلمت جوالي

ولقيت رساله بتحكي انا وصلت معبر رفح المصري

ومن هناك بحكي معك برقم مصري

زهلت بكيت بحرقه متت قهر

حكيت خلص مش حشوف حبيبي

لان الاتفاق نطلع مع بعض

بس مافي نصيب انا اطلع بحكم لازم اضل منشان تسافر معي اختي الصغيره

ودعيت رب السماء ان يوصله لطريق الامان لحبيبي

وكان الله مستجيب لدعواتي

وضلينا على اتصال من رفح المصريه

للعريش ومنو للقناطر لحد ماوصل القاهر وطمنت عليه

وبدا بااجراءات سفره للبلد الاروبي

على اساس انا الحقه بعد ماياخد الاقامه ينزلي على سوريه وياخدني معه

ومشيت الخطه وسافر على البلد يلي قاصدها

وضلينا على اتصال ببعض

وانا بااعز فرحتي كنت جالسه مع صحباتي

وانا بمسج لااله من غزه للبلد يلي عايش فيها

ومبسوطه صحباتي بسئلوني بتضحكي ليش

حكيتلهم قصتي يلي خبيتها7 شهور

عن الكل برغم هما كل يوم يحكولي شوو يلي صار معهم

كل وحده بتحكي عن حبيببها

انا اطريت احكي للبعض هوا بعرفهم حبيبي

فكنت على تواصل معه ياباايميل اوف لاين يما رساله على الهوت

يما رساله جوال

وهوا طلب مني ايش مايصير معك احكيلي ياه بلا تردد

وبرسالتي الاخيره كان متقدملي شب من غزه عايش باامارات

بقربنا من ناحية عمتي متجوزه من عيلته

كنت بدوامه ومابعرف ايش بحكي

كتبتله رساله باالهوت

وشرحتله ايش صار معي

طبعن هداني وحكالي ارفضي العريس

برغم على فكره حبيبي مش واعدني يتجوزني

وبده ياني اعيش معاه ببلد اروبي هيك بدون زواج ولامواثيق

وبحكم بدي اكمل دراستي باي دوله اوروبيه

هيك كان الاتفاق

لما تقدملي العريس حكتلي عمتي كل يلي كنت بتمناه

يسافر وانا معه لكندا بعد ماينهي شغله باامارات

وراح يخليني اكمل دراستي الجامعيه

وكل شي

عكس حبيبي يلي بده ياني اعيش معه هيك بدون جواز ولا شي وتحت سقف واحد بااروبا

من يومين جبته مع صحبيتي بمحادثه على المسنجر

استازن من البنت وطلع من المحادثه

وهاتك ياكفر لاالي

وصار يحكي ليش تحكي قصتك للبنت هادي

برغم اني قدمته لاالها على اساس صديق مش حبيب

منشان ماينحرج

وفوق هادا ماسكت ضل يكفرلي ويكفر وانا اهديه ولاكان يسكت

وجرحني وحكالي قصتك وقصده قصتي انا وياه اكتبيها بجريده

يعني بيتمسخر عليا

صراحه انا ذهلت من كلامه وتصرفه معي بهااسلوب

برغم ماقصرت معه بالمره

ليش عمل هيك ماكنت اعرف

يلي بدي اطلبه منكم هل هاد الشب لوو تخليت عن اهلي

ولحقته راح يتمسك فيا ولا راح يرميني باول طريق لوو صار بيني وبينه نقاش من نوع تاني

الشب هاد طالع من غزه وقرفان كل يلي بغزه حتى اقرب الناس لااله

الصراحه الي تلات ايام لابحكي معو ولاببعت مسجات لا على الجوال ولا بالهوت ميل

ولا اوف لاين

لانو صحاني على واقع كنت بتمناه انه حلم

ياهل ترا لو رجعنا نحكي مع بعض

وتصلحنا لاني بصراحه بحبه ممكن يتخلى عني بكل سهوله

ويرميني ببلاد الغربه

برغم انو انا راح اضحي بالغالي والرخيص كرماله