هدا زميل الي بالجامعة وكنت خايفة احكي لخطيبي

السلام عليكم يا اخوتي

اخر الاخبار اني اخذت بعض من تعليقات الاخوة والاخوات الذين طالبو بفحص الهاتف انا ليلة امس ذهبت بزيارتها عند المساء ومن هون لهون طلبت منها تلفونها بعد ما صارحتها بالموضوع ولكن كالعادة عصبت عليا وصرخت بوجهي رافضة لان تعطيني الهاتف وقالت بعصبية اذا انت مخوني اتركني حاولت ان اصلح الموقف ويمكن ما اتصدقوني اثناء سوء الفهم رن الموبايل وخطفت التلفون من يدها بقوة ورديت طلع للاسف صوت شاب قلتلو انت رجل ما تستحي على حالك وهو يردد من انت مين معي؟؟؟ قامت الحبيبة بخطف التلفون مني وضربتهوا بالارض وصارت تبكي وتقول انت الذي لا تستحي على حالك انا ما بدي اياك اثناء المعاركة دخلو اخوتها واختها وامها لعنا عل غرفة او البرندة وين ما كنا جالسين ابوها ما كان بالبيت صارو يحكو شو مالكم النا فترة ملاحظين خلافات بينكم بس بعد هل صراخ وهو اول مرة بتحصل ببيتهم بدنا نعرف شو في.... عال انا وافقت وحكيت الي عندي وهي صارت تنكر بالاخر صارت تبكي وتحكي هدا زميل الي بالجامعة وكانت علاقة مجرد اخوية وكنت خايفة احكي لخطيبي الي هو انا يعني كانت خايفة تحكي انو زميلها وبرضو قال اكثر شي صحباتها ولكن زميلي احبني (كاخت) قلتلها اهلين وين بتنباع هاي اذا كل وحدة متزوجة او مخطوبة بدو يكون الها اخوة كمان يتصلو فيها الساعة الواحدة حتى الثالثة بالليل شو هل اخوة عم يحكو ولله لما انا اتصل فيكي يا مشغولة يا بتدرسي !!!! اهلها انصدموا وما عرفو يحكو شي وانا من كثر ما زعلت حلفت اني اتركها وحلفت قدام اهلها الام صارت تبكي والاخت تبكي وهيا كمان لكن الاخوة وقفو مصدومين بالموضوع ولا حد فيهم قال كلمة .... انا على فكرة يا اخوة كانت بينا بهل فترة مشاكل عديدة ولكن هاي المشكلة عقدتني وشكرا لاصدقاء الي عرفوني على دنيا الوطن لاني ما لقيت حد افضفضلو غيركم انا بلغت اهلي بالموضوع كلو بعد ما روحت من عندهم ورح ابقى على قراري لاني تاكدت اني مش ظالم ولا البادي البادي اظلم كان موعد العرس السنة هاي بشهر 8 اطلب من الله ان يوفقها ويوفقني بانسانة وفية ومحترمة مع اني تعقدت من الموضوع وبعد ما انهي كل شي رح اجل موضوع زواجي لفترة كفاية الي شفتوا بشهرين كانها سنتين ..... انا عند قراري ومش رح ارجع عنو لانو برضو عصبيتها كثيرة وانا ما بدي انسانة تكون عصبية كنت اقول الوضع بتحسن معلش كل شي بصير وكلو بالهداوة ولكن عل فاضي وبالاخر الدنيا قسمة ونصيب وما بصيبك الا نصيبك والحمد لله رب العالمين على كل شي اشكر الله على كل شي وبامن انو الله ما بنسى عباده..... واخيرا اشكر من كل قلبي كل اخت وكل اخ صاحب تعليق مفيد وغير مفيد وخاصة الاخوة والاخوات الذين طالبو بكشف الهاتف لانو حسب ما عملت من الطرق الي تكلمو عنها هيا الي كشفت الموضوع والان الاهل بعلم بالموضوع وانا قررت الانفصال وانشالله يكون الموضوع عبرة لمن يعتبر وعبرة لطالبات وطلاب الجامعات كمثل الي كان يتصل بيها انت تعلم انها مخطوبة وكاتبة الكتاب فلماذا تتظاهر بالعلاقة الاخوية؟؟؟؟؟!!!!!!!! الله يسامح الي كان السبب ويسامحنا جميعا وشكرا الكم يا اخوتي اخوكم من رام الله