بنت جنين: سؤال محيرني وبدي اجابة من شباب فلسطين

انا بنت من جنين يمكن الموضوع الي بدي افتحو بعتبر مشكلة وممكن موضوع عادي بس بحب اسألكم لشباب الضفة اني بلاحظ من شباب جيراننا ومن اولاد عمي ومن مواقع بالانترنت كتير شباب من عنا بحبو يتعرفوا على بنات عرب اسرائيل وبتباهو لبعض لما حد منهم يتعرف على هالبنات مع انهن فلسطينيات متلنا متلهم وهن حلوين متلنا متلهم ما بعرف يمكن لهجتهم كتير حلوة ويمكن الشباب بتشوفهن احلى لانه لبسهن احلى .

انا كنت احب شاب وتركني واتعرف على بنت من ال48 بس مش هاي مشكلتي لاني نسيتو من زمان المشكلة اني بلاحظ كتير شباب من جنين وغيرها من مناطق الضفة بتعرفو وبحبو بنات عرب اسرائيل والغالبية ما بتزوجوهن يعني باغلب الاحيان ما بصير النصيب

سؤالي حابة اعرف شو هي مميزاتهن عنا وعنجد هذا الموضوع كتير مؤثر بحياتي لهيك يا ريت تنشروه وبدي تعليقات ورد من شباب وبنات الضفة او غزة او حتى مناطق ال48 بس بدي اجابة مقنعة

وتحياتي الكم من بنت جنين