بيظللو يسالني ازا كنت حبيت قبلو

مرحبا..

انا بنت عمري21 مكتوب كتابي على شب كتير كويس..

كنت دايما بتمنى اني اتجوز عن حب بس ما تجرات حب بسبب تقاليدنا ..لحمدلله خطبني هاد الشب ويوم عن يوم صرت كتير بحبو وهو كمان بيحبني.. دايما بيحكيلي انو بيحسني زي الملاك بسب اخلاقي وحيائي..هالشي بيعنيلي اكتر من كل قصص الحب يللي بسمع عنون.. بنفس الوقت بيظللو يسالني ازا كنت حبيت قبلو لما بحكيلو لا بيظل يحكي طب مش معقول يعني ..طيب ولو حتىاعجبتي بحد..بحس انو بيظل يشك.. بتصورلانو كتير منسمع انو كل بنات هالجيل بيكون الون علاقات..عن جد حرام انو بنات مش مناح يعمو عالمناح..

هللا انا الشي اللي جد شاغلني هو اني سمعت انو غشاء البكارة 3 انواع العادي والمطاط اوالبنت بتكون مولودة من غير غشاء اصلا..

انا دخلتي بعد تقريباسبوعين وخايفة انو يكون لغشاء مطاط او مش موجود وخصوصا انو هوة شكاك.. بليز ماتحكو روحي ع طبيبة نسائية لانو مستحيل اعمل هيك ..مافيي ..

انا خايفة كتير من هالموضوع..انو احيانا بتصور انو يكون هيك وهو يعصب لحظتها ويفكر اني فاجرة ويحكي اشي يجرحني ..حتى لو اكتشف بعدين شو القصة ما بتصور انو ر اقدرسامحو على كلامو.. بعرف رح تحكو انو كلامي كللو فرضيات وبيجوز يكون الغشاء عادي.. بس انا خايفة وبدي كون متحضرة .. بليز احكولي كيف اتصرف وشواحكي بهيك حالة..وبتشكر كل المعلقين المحترمين مقدما لاني بعرف انكو مش رح تبخلو بنصيحة لاختكم