بنت عراقية: حبيت شاب من غزة انصحوني

انا بنت عراقية عمري19سنة مقيمة باميركا..

انا كنت حبيت شب من غزة ع النت واتعلقت فيو كتير..صارت بيناتنا مشاكل كتيرة واللي كانو بيعرفو اني بحبو ظللويحكولي انو مش لازم صدقو وانو عم يتسلى..باكتر من موقف كان بيبان انو بدو يضحك علي بس انا ظلليت وراه... بعدين والحمد لله اجا عكندا..واتصل باهلي وحكالون انو بدو يتقدملي..بعدين شاف طريقة يجي فيها للولاية اللي انا فيها..والو صديق هون ساعدو يشوف شغلة وبعدين عرفتو ع اساتذة بكلية الحقوق وشافو انو ذكي وحكولو انو بسبب ظروفو بدهن يعطو منحة يدرس حقوق هون...هالشي كتير منيح لانو مهنة المحاماة كتير كويسة هون..هوة اصلا كان خريج كلية حقوق بالجزائر..

اسفة اني طولت عليكن..انا طول هالفترة كنت عم اتعرف عليه اكتر والصراحة شب مافي متلو..اهلي كمان حبوه كتير....هللا انا لسة طالبة بالجامعة سنة تانية وانا بدي ادرس طب يعني قدامي ست سنين ونص كمان..بالاول اهلي حكولو لما تجهز نفسك وهيو ماشالله شغلو منيح وكل اشي ورح يبدي يعادل شهادتو بشهر 9 هلسنة ..هوة عمرة 25 وبدو نتجوز هللا ..حكالي انو ماعندو مشكلة اني كمل دراستي ابدا.. بس انا خايفة لانو بسمع انو الشب بعدين بيغير رايو..كمان هون الحياة مختلفة..انو مثلا بعد شي سنة رح يحكيلي بدي ولد وهالشي صعب كتير هون اني ادرس وربي ولد خصوصا بمجال دراستي .. انا بحبو كتير وعن جد مش مصدقة انو كل هالاحداث صارت بالسنة اللي فاتت..مش مصدقة اصلا انو ماكان عم يضحك علي..انا بدي اتجوزو وبدي كون معو لاخر العمر..مش عارفة ازا بيكون احسن ازا اتجوزنا هللا او نستنى كمان شي سنتين..بليز انصحوني...ورجاءا مابدي حد يتمسخر..شكرا