خطيبي مهملني جداً وكثرت المشاكل بيننا ماذا افعل

بعد التحيةوالسلام

انا خاطبة من حوالي عشر شهور , عن قصة حب لم تتجاوز فترتها شهر و احد , قبل الخطوبة كنت أحس بانه قلبه ينبض لما يكلمني أو اشوفه أو أي شي بينا , بعد ماخطبنا اصبح لا يسأل في , لا اتصالات ولا مسجات ولا شي , صح هو مابيقصر بجياته بيجيني كل اسبوع تقريباً , ولكن انا طوال فترة هذا االاسبوع بكون محتاجاه ومشتاقة له, هو مابيتصل نهاااااائي يعني لو انا كلمته اوكي بيرد ولما ما اتصل مابعرف أخباره اصلا .

حتى بالاخر صرت لما اكلمه يحكي معي ببرود وكل الي يسألني اياه كيفك ؟ وين انتي ؟ شو بتعملي ؟ وبس

مافي عواطف مافي مشاعر ,

انا بحبه لدرجة الجنون , بدي اكون معه بكل لحظة , بس هو مابيتفهم هالشي ,

ولما يحس اني زعلانه منه مابيحاول يفهم شو السبب , ولما احكيله تعبانه بيقولي بعين الله , بدون مايعرف السبب أو يحاول يوقف جنبي ,

انا صرت حاسة اني ممكن اتغير معه , لأني صرت احس بفراغ عاطفي كبييييييير , على قد ما اعطيته حب هو مافي مقابل

.. أنا ماخليت معه طريقة , حكيتله مائة مرة امانة ماتخليني احتاج غيرك , فكرت بالطلاق كثييييييييييير , رغم اني بحبه اكثر من نفسي .

الان انا بكتب وانا ضايعة , وصارلي ثلاث او اربع ايام ماخدة خطوة اني مااتصل فيه نهائي واعامله زي مابيعامملني , ومع هيك فش نتيجة , ومن ثلاث ايام بعرفش عنه اشي .

انا تعبت

دائما بسأله بشو مقصرة معك ,؟ بقولي والله ولا شي , بحاول اعرف الي ناقصه وبعمله اله , والله العظيم انه اهلي بيغاروا من كثر ماانا بعمله حاجات , والكل بيقولي انتي بتحبيه اكثرمن اللازم , طيب مش هو خطيبي , وحبيبي قبل مايكون خطيبي , يعني لازم احبه عشان اقدر اعيش معه .

ارجوكم خدوا الموضوع بجدية انا محتاجةا لنصيحة