امى متعلقة بنفس الشخص مع اختي

انا فتاة لى اخت اصغر منى سنة اولى بالجامعة والمشكلة متعلقة فيها لانو قبل يومين كنت عم استخدم جوالها وبالصدفة فتحت وارد الرسائل لقيت رسائل كتير واردة وكلها معروف مصدرها بالاسم لا رسالة وحدة كان مصدرها رقم غريب فانا فى البدايه فكرتها من صديقة الها وهى مو مسجلة اسمها ولاتاكد اخدت الرقم وفحصته على الجهاز فلقيت صاحبه ابن جيرانا فانا اتفاجئت لما شفته وبدت الشكوك تدخل راسي وما عرفت ساعتها شو اتصرف ولحتى الان مو عارفة شو اسوى لانو اختى مرت بمشكلة معى وامى متعلقة بنفس الشخص هاد وساعتها اختى كانت نفت اى علاقة الها فيه والمشكلة كانت بمرسال بعتو الها مع صاحبتها وهى اللى بنفس الوقت بتكون بنت خالته ولما درينا بهدا المرسال راجعناها انا وامى وهى نفت اى علاقة الها معه وانتهت القصة من حينتها وكانت هادى القصة حصلت قبل ما تدخل الجامعة لما كانوا هما الاتنين بالمدرسة ولما دخلت اختى الجامعة عرفت انو هو دخل نفس الجامعة ليتعلم وانا لما عرفت بهادا الامر خفت وكنت فكر كتير فيها وشو راح يصير بينهم ازا هو حاول يتقرب منها فعشان هيك لما شفت الرقم وعرفت انو راجع اله اتاكدت انو صاير بينهم شى وهلا انا ما بعرف شو اسوى وكيف اتصرف بتمنى منكم تساعدونى وتنصحونى شو اعمل ومع مين اتصرف؟