خطيبي ما زال يحن لحبيبته من مدينة الناصرة

مشكلتي يمكن البعض بشوفها عادية بس بالنسبة لي مشكلة مغيرة حياتي كليا

انا فتاة من الضفة خاطبة لشاب من عنا قبل ليخطبني كان بعلاقة حب مع فتاة من مدينة الناصرة ( عرب اسرائيل) .

اول فترة خطوبتنا اعترفلي انه كان بعلاقة حب مع فتاة وطلب مني ان باستطاعتي انسية اياها وانا وافقت وفكرت انه بسهوله اني اجعله ينساها واحيانا لما اسألو عنها بحس برجفة صوتو انه ببكي ولما اسألوا مين احلى انا او هي هو بجاوب انتي حلوة بس جمالها ما في منو وفعلا شفت صورها وهي حلوه لدرجة اني لما شفتها ما اعرفت انام ليومين من القهر .

بس الي قهرني اكتر انها حبيبتو الاولى والحب الاول ذكرياتو مستحيل تنتسى واهلها الي اغصبوها انها تتركو وهو اعترفلي انه لليوم بتصل عليها من فتره لفتره لينساها مع الزمن .

انا لو شو ما صار ما بتخلى عن خطيبي بس لليوم ما عارفه انسيه اياها وعلى فكره هو لليوم ما حكالي حتى كلمة بحبك انا دايما بحكيلو ما تخاف ان الله كاتبلك نصيب معها لا انا ولا الناس كلها بتفرقكم عن بعض انا كتير مرات بحس اني شفقانه عليه وبتمنى انهم يكونو لبعض بس شو اعمل بحبو وبموت بدونو

مشكلتي كتير صعبة وبدي حل غير اني ابعد عنو