موضوع الغيرة محيرني وراح يجنني

عمري 21 سنة فلسطينة من ال48 محتارة كتير من الدنيا من سنيتن كنت تقريبا على وشك اني اخطب لشاب كان دايما لبسي ما يعجبو ومشاكل بيننا لانه لبسي كتير قصير وضيق والشباب دايما وانا معو يصيرو يسمعوني كلام متل باقي البنات وهو كان يغار كتير ويعصب علي انا كنت اطنشلو بهالموضوع واحكيلو انه لما نتزوج بصير يحقلك تتدخل فيي المهم ما صار نصيب وسبب من الاسباب موضوع الغيرة.

بهذا الوقت انا على وشك اني اخطب لشاب تاني هذا الشاب عكس الاول متلا لما بدي اشتري بلوزه طويله يحكيلي انها طويله خدي بلوزه اقصر او تنورة طويلة يطلب مني اني اقصرها لتنورة ميني او بدو يسهر مع اصحابو واكون معو يطلب مني اني البس لبس قصير انا محتاره ومش مفكره اني اغير لبسي وبحب اللبس الي على الموضه بس الي زاعجني كتير من الموضوع انه بغار علي من عيون الشباب ومن ناحية تانيه بطلب مني اني البس لبس قصير .

بالنهاية انا بنت وبحب الشاب يقتلني بغيرتو شو اعمل .