بحب الشاب يلي بالانترنت لأنه مثقف وخجول

أنا صبية مواصفاتي الشكلية رائعة أيام دراستي بالجامعة كان في شاب متعلق بصاحبيتي وهي كمان نسخة عني بالشكل كتير كان الشاب بوقف إلها بكل مكان، وطبعا كان هاديء كتير ورمنسي وأخلاقه عالية خجول وكان متعلق في صحبيتي لدرجة جنونية، صحبيتي كانت مبسوطة انو حدا متعلق فيها لكن كانت تحكي بدي انكش راس عليه واستمر الحال أشهر، وتقدم ألها هذا الشاب بشكل رسمي للزواج عدة مرات بعد هيك ورفضوا أهلها لأنو الشاب لسة ما توظفش وهي كمان عملت حالها ما بتعرفوا وكان بإمكانها تستناه علي بال ما يجهز نفسو بعد فترة تزوجت صحبيتي شاب تاني ما لحقت تزوجوا وما لحقت تفرح من بعد فترة زوجها اصاوب رصاصة وصار معاق من يومها صحبيتي بتشوفني وبتبكي بتقول أكيد انو ظلمت هالشاب وكنت ناكشة راس لكن اليوم شوفي شو صار معي وطبعا بتحمد الله علي كل حال وتمنت لو كانت تزوجت الشاب يلي حبها وتعلق فيها.

أنا مثلها تعرفت علي شاب بالانترنت بالأصح أنا مش حابة أتزوج من الأقارب فقط بس ابن عمتي متعلق كثير ومتأمل يعني في بينا حكي خفيف وكمان الشاب بالتشات والمسنجر اخلقوا منيحة ومؤدب ورمنسسي جدا وحبيتوا كمان لأنو مثقف وخجول يعني بشعر في انسجام بيني وبين شاب الانترنت بصراحة صرت خايفة اخذ مين ولا مين يا جماعة خايفة اظلم حدا فيهم اظلم مين يا تري ابن عمتي ولا الشاب وبصراحة كان شريف بالحكي معي بالنت طول الوقت أنا شايف لازم اظلم حدا فيهم وشو راح يصير لي بعد هيك أنا قلقانة كتير يا خوفي مش عارف ساعدوني بدي أزوج صحباتي تزوجوا ومش قادرة اختار بينهم وبعد ظلمي لواحد فيهم الله بيعلم شو بصير لي.