ياريتني ما تزوجتوا

أنا بنت عمري 29 سنة ، متزوجة وعندي طفلين، أنا معي شهادة جامعية مش ناقصني شي، مظهري جذاب حلوة كتير أهلي زوجوني بدون ما يعطوني فرصة للتفكير أو يؤخذوا رأيي، بعد ما تزوجنا ظهرت مشاكل بيني وبين زوجي مش مرتاحة معو أبدا بحثت عن الأسباب وجدت انو الزواج كان بينا بسرعة وبدون تفكير يعني من الأخر أهلي رفضوا يزوجوني لشاب كنت مقتنعة فيه وبحترموا وتقدم كتير لخطبتي كنت موافقة لكن أهلي رفضوا و ما كان في أسباب مقنعة حتي أهلي يرفضوا هالشاب ياربي كان من عائلة فقيرة وأقل شوي من عيلتنا وكان عمي بيحكي انو هذا من عيلة ما بتناسبنا تقدم زوجي لأهلي و بدون تفكير وكمان بسرعة زوجوني فقط لأنو من عيلة كبيرة وقد حالهم علي وصف كبار السن عنا بالعيلة وكمان وافقوا خوفا ما يرجع حبيبي يخطبني ما كان لي رأي بموضوع الزواج وأنا فضلت الصمت اليوم أنا عايشة بظلم ما في إحترام من زوجي دائما يضربني ما في إشي بينا حلو كل يوم مشاكل ... كتبت هالموضوع بعد ما قريت الموضوع السابق" ما بدي أظلم الشاب"، لقيت إنو هالبنت عندها إدراك للخطورة بالمرحلة المقبلة إن ما أخذت حبيبها لأنو مها صار مش راح تهون عليه بيوم من الأيام، راح يظل متمسك فيها بيضحي لأجلها أكيد أنا ما كان عندي قدرة بالمواجهة للزواج من الشاب يلي أنا حبيبتو فكانت النتيجة حياتي راح تظل جحيم وظلم ومعاناة لأني عن غير قصد ظلمت شاب كان راح يخطبني ظلمت شاب صاحب أخلاق وثقافة ما كان يتسلي لكني ما قدرت أساعدوا وأوقف بوجه أهلي الشاب ما بغيب عني و زوجي مش قادر يعوضني لحتي انسي الشاب القديم الكان بيني وبينو فقط رسميات وتعارف شريف لكن أصبحت حياتي سوداء وجحيم بسبب مواقفي الجبانة لم أتوقع ان مصيري هكذا سيكون أنا كنت أظن بالصمت تأتي السعادة فبالصمت ظلمت شابا لا اعلم أين ألان هو ومشتاقة لاخبارو وبالصمت ظلمت نفسي