لكل لشباب فلسطين من بنت الضفة

انا بنت من رام الله من خلال قرائتي لمشاكل اريد حلا بمشكلة من بنات حيفاويات لاهل الضفة لفت نظري كتير تعاليق وخصوصا هذا التعليق وحبيت اضيفو وفي الي كلمة باخرو وهو من بنت من الداخل

التعليق هو كالتالي :

اول شي تحياتي للجميع ويسعد مساكوا جميعا عنا هون

وبالضفة انا مع كل اللي انحكا واللي انقال بس يا ريت كل واحد عندو تعليق يكتبو لهدف المشاركة مش لغرض الاهانة والتجريح وكانة احنا بحرب بين عرب الداخل وبين الضفة ليش؟لوين وصلنا؟وليش بنلوم عاليهود اذا احنا بنقاتل ببعض بالالفاظ والكلام الجارح لا احنا النا ذنب انو موجودين هون ولا انتو ذنبكو اللي بيصير عندكو ومن ناحية اللبس ولا مرة تحكمو عالانسان من مظهرو وانا معكو انو في من بناتنا لبسهن مغري بس والله اللبس ما بيعطي الصورة الصحيحة يمكن تعويد او تاثير البيئة اللي بينوجدو فيها* بس كمان من ناحية تانية شبابكو ما في بنت من عنا بتسلم من لسانهن ان كانت محتشمة او لا وعطول الحكي شغال متل المقصات طالع بياذي ونازل بيجرح يعني بيكفي يعرفو انو البنت من 48 هالرقم اللي انلزق فينا وبيبلش الحكي كانو اجانب فايتين عالسوق * انا مش محجبة بس بتمنى كل بنت اتحجبت تصون حجابها لانو بعرف كتير بنات لابسات وما مبين منهن شي بس ما خفي ورا هاللبس اعظم وبنات لابسات قصير بس عندهن كرامة وعزة نفس بتخليهن يوقفوا بوجه الف زلمة يعني بنرجع انو المظهر ما بيعطي الصورة الصحيحة للشخص ونصيحتي لاتنخدعو بالمظاهر واولا واخيرا احنا لو ما بنحبكو وبنعتبر انو نحنا واحد ما في شي بيخلينا نيجي عندكو ومع هيك مش مرحب فينا انا اكيد ما بحكي عن الكل لانو انا الي اصدقاء وصديقات من الضفة ومن كل المناطق بس انا بحكي عن الجزء الاكبر اللي شايف فينا بنات اغراء وبلا شرف او كرامة بس لسبب واحد انو نحنا عايشين ياسرائيل مع انو اكتر من نص الموجودين بالضفة مع انهم بيكرهو اسرائيل بس والله لو يصحلهم ييجو يعيشو هو ما بيقصرو ومن الصبح بتلاقيهم هون وطبعا معذورين لانو الوضع عندكو كتير قاسي وصعب بس يا ريت تحسو معنا وفينا متل ما نحنا بنحس فيكو وبنحبكو يا اخي عالقليلة انتو الكو وطن الكو علم بس احنا شو النا وشو عنا؟لا الفلسطينية معترفين فينا ولا باسرائيل مرحب فينا بذمتكو مش وضعنا متل وضعكو وما بيفرق عنكو؟والله لو اضل احكي للصبح ما بقدر اكتب ولو 1% من اللي جواتي واولا واخيرا والله العظيم بنحبكو ونحترمكو ولهالسبب بنيجي عندكو مش للعرض لو بدنا نعرض حالنا هون ملااااااااااان محلات بنقدر نعمل فيها هالشي بس حاشا وكلا احنا اشرف من الشرف وجل من لايسهو.....وسلام لاحلى ناس واحلى بلاد لاحلا فلسطين الله معنا ومعكو ومع كل العرب

هلاء ردي انا بنت رام الله

اول شي بشكر صاحبة التعليق لاننا بنحبكم وقضيتنا وحدة

تانيا لشباب الضفة كتير بسمع عن بنات الداخل عرب ال48 انو شبابنا (شباب الضفة ) بنجلئوا لما يشوفوهم وبنسونا عالاخر يعني ببطلوا يعبرونا وبسمع كلام بصير معهن وما بصير مع بناتنا سؤالي هل هم محبوبات عندكن اكتر او شو ؟؟