مشتاقة للشاب يرجع يفقعني

أنا أمنت بالمثل البيحكي (قرف البنت بتحبك)، أنا بنت شكلي جميل جدا من غزة عمري 23 سنة الله رزقني بكل أشي جميلة بكل مواصفاتي وكمان حصلت علي جامعة بتذكر وأنا بالمرحلة الإعدادية الناس اجو لأهلي حتي يخطبوني وأهلي قرروا أن أكمل دراسة ومن يومها الناس مش موقفين كل أسبوع أو شهر بيحكوا بموضوعي لأهلي، وأنا برفض طبعا الزواج ومن فترة أجو لأهلي ناس ما سمعت فيهم ولا بنعرفهم وطبعا رفضت موضوع الزواج وبعد أسبوعين بنفسو الشاب أجا خطبني، برضوا اهلي رفضوا

بتذكر استشهد أخي وانعزلت عن النت فترة شهر وبعد هيك رجعت لقيت إضافة عندي عل المسنجر قبلتها فطلع الشاب نفسو البيخطبني وبعت لي رسالة لحتي يحكي معي مباشر انا رفضت لكن اكتشفت انو الشاب مميز محترم كمان هو ذكي جدا والاشي التاني والاهم الشاب بيعرفني منيح وبيمدح في اخلاقي ومواصفاتي بالاصح بيعرف عني من تاريخ ميلادي حتي بعد ما تخرجت من الجامعة بالرغم ما في معرفة قبل هيك وكمان أشياء خاصة عني مسكت كل صحباتي مين اعطاه معلومات عني مين اعطاه الايميل كلهم حلفوا لي ما بيعرفو قرفت النت والمسنجر من الشاب علمت انو صارت معاه ظروف قاسية من فترة ومن يومها لهلا انعزل عن النت وعن الرسائل وحركاتو علي النت بعد هيك وقفت والله هلوقت صرت مشتاقة يرجع يفقعني لقيت حالي منشدة ناحيتوا وناحية اخبارو يعني الشاب لقيتوا بناسبني ربنا ان شالله يحفظوا ويحفظ كل الشباب

شو اعمل مش عارفة اهلي رفضوه و صرت انا خايفة من المستقبل شكرا