انا بنت فري شوي ومتعودة انو يكون عندي أصدقاء شباب

مرحبا اخواني رح اكتبلكم مشكلتي وبتمنى تلاقولها حل ، انا فتاة عمري 17 وقصتي انو انا بنت فري شوي ومتعودة انو يكون عندي أصدقاء شباب ومن فترة قريب السنة اتعرفت على شب صديق وكنا معجبين ببعض بس هو كان مصاحب وحدة بنت انا بعرفها وبسلم عليها لما بشوفها وكنت بعرف من قبل انهم مصاحبين بس طنشت وبصراحة كنت مقهورة وخصوصا من انو هو ما حكالها انو هو بعرفني ، وبعد فترة حكالي انو صار بينهم مشاكل ومن بعدها تقربنا من بعض وصرنا صحبة أكتر وفاجاني بطلبو انو يصاحبني وانا رفضت والسبب هو انو انا ما بحب اصاحب لانو بكره انو حدا يقيدني ويمنعني يعني أنا بحب أكون حرة بتعاملي مع الشباب التانيين بس طبعا أنا ما حكيتلو هالسبب ، وبعدها ارجعنا نحكي عادي وطلعنا سوى لحد ما شفتو ماشي مع صاحبتو القديمة ومن بعدها صار لما يشوفني ما يسلم علي كانو ما بعرفني وانا بسال برايكم ليش هو عمل معي هيك وبعد كل الي بينا . وأنا كتير زعلاني لانو عزت علي صداقتنا الي ضاعت وخصوصا انو هو احسن شب قابلتو بحياتي . فبشو بتنصحوني اعمل حتى نرجع صحاب .ومرة كنت بدي اتصل أعايدو بعيد ميلادو بس صديقتي نصحتني ما اتصل لانو برأيها انو بكون اتنازلت عن كرامتي لانو هو الي بطلع يحكي معي وهي كمان بتشوف انو انا بستاهل الي صرلي واني جرحتو فهل هي عندها حق بكلامها واني بستاهل الي صرلي وانو كان مفروض من البداية احدد علاقتي معو.

وشكرا كتير وبليز انصحوني من دون ما تجرحوني