فتاة من جنين : لا تثقن بجنس ادم

باختصار انا فتاة من جنين مخطوبة لشاب من جنين بسبب الوضع الاقتصادي السيء قرر ان يعمل في اسرائيل ليكمل تجهيز منزلنا عندما عرض علي الفكرة كان لدي نوع من التخوف لانه معروف الي بروح لاسرائيل برجع بحب بنات عربيات من هناك لكن هو طمأنني وقال وقال انتي بالنسبه لي العالم كله. لكن اكتشفت ان الرجال الخيانة بدمهم فتغير معي من الالف للياء فقلت اتصالاته حتى زياراته لي عند رجوعه للضفة .

الان ما جعلني اكتب مشكلتي انه قبل اسبوعين كان سهران عندي ووصلته مكالمه وما رد عليها وبعدها طلبت منه جواله واعطاني اياه لانه اطمئن انها ما حترجع تتصل وكانت من رقم خاص وبعدها دخلت على الصور وكانت صورة لبنت حلوة سالته عنها اجابني انها من صور بالانترنت وفجأة وصلته رسالة وفورا فتحتها وكان واضح عليه الارتباك ومن لهجة الرسالة كانت من وحده من اسرائيل او فلسطينيات اسرائيل هو علل الموقف انها اكيد غلطانة بالرقم .

انا قررت اني اعطيه كمان فرصه وما اتركه لاول سبب لاني بحبه وما بدي اخسره بس امباح اتصلت عليه وبعد ما انهينا كلامنا اتذكرت اني احكيلو شي وارجعت اتصلت وكانت الساعه وحده بنص الليل وكان جواله مشغول هو بدو يقنعني انه صاحبه الي كان يحكي معه بس انا جد مليت من الشعور بالخيانه بدي تقنعوني اني بعدي عنو هو الصح لاني ما بدي اندم بعد مده .