شاب من طمرة: أروي لكم قصة تعارفي الظريفة بحبيبتي ..!!

أروي لكم قصة تعارفي الظريفة بحبيبتي ..!!

السلام عليكم ورحمه الله وبركاته لاحلى موقع دنيا الوطن

انا شاب ابلغ من العمر 20 سنه ساكن بمنطقه طمره حابب احكي عن المشاعر الي بقلبي اتجاه البنت الي بحبها ومستعد اضحي بحياتي بس عشانها.... بلشت قصتي وانا عمري 19 أي قبل سنه وانا اكبر من حبيبتي 4 سنين الي بدي احكي شو صار بناتنا..... كنت قاعد بعرس انا وصاحبي (بكون اخو العريس ) عم نحكي ام فجاءه وحده مرقت من قدامي اما شو وحدي يا حبيبي زي تقولوا قمر ومرق من حدي وكانت لابسه فستان احمر والحمدالله قليل منو مستر لهل فستان هههههه ....اسا انا لما مرقت من قدامي مصدقتش عيني شو شافت اطلعت عليها من فوق لتحت وهي طبعا ضلت مكمله طريقها....

وبعدين سالت صاحبي عنها وبعد جدال ونقاش كبير اغدرت اعرف شو اسمها وانها

بتقربلي بس قرابه بعيده وانها كثير منيحه وانو بنت خالتو لصاحبي! المهم استنينا شوي ولا هي عاودت رجعت وحكت مع صاحبي اما شو صوت عليها بجنن وهي كلها على بعضها زي الملاك وكنو بعد بساعه بلش الرقص هيك عنا العادات والتقاليد ببلدنا قعدت ترقص هي وصاحبي اخو العريس وهو بعرف انها عاجبتني قام نداني وخلاني ارقص معهن وبعدين تركنا لحالنا اما شو كان نفسي اخدها واعيش انا وياها لحالنا وبعد ما خلصنا راحت مع وحده بتقربلها بس بتعرفوا شغلي كل الي صار بناتنا مغدرتش توخد قلبي مني بس كان مجرد اعجاب وصرت اكثير اروح عند صاحبي بعد ما انتهى العرس وكل ما تشوفني تحمرق وتبطل تعرف تحكي ..... ومره وانا قاعد عندهن شفتني وشفتها اما شو هداك اليوم ما بنسهوش طول حياتي اطلعت بعيوني وطلعت بعيونها ابصر قديه وقت وبالاخر راحت وصرت بدي اشوفها واحكي معاها ضفتها على الاميل وقلتلها اني معجب فيها وهيك اسا هي بدون ما تعرفني بهدلتني وعملت علي حسيماه ودليت وحرقتلي اميلي .... اسا انا لما عملت هيك اعرفت انها بتسلاش وعنجد منيحه صرت ابلش احبها قلت لصاحبي اني بدي احكي معها وقفت معاها وحكيت واطلعت بعيوني كنو وقت طويل وبعد وقت طويل من السكوت قلتها بحبك بس هي لما سمعت هاي الكلمه هيك خجلت وستحت وطلبت اتعرف عليها وصلني سنه بحبها وبتحبني وانشاءالله بدي اخطبها وهي كل اهلها بعرفوا وانا كمان ادعولي تكون الي ....وشكرا