ساعدوني من فضلكم..انا خايفة اصارحه بحقيقة مشاعري

السلام عليكم

انا فتاة اتعرفت على شاب من سنتين واحببنا بعضنا كتير لكن مشكلتي انه في الاونة الاخيرة مشاعري اتغيرت كتير تجاه اللي انا حبيته و زال كل الحب اللي كنت أكنه له و صرت اتهرب منه و اتجاهل مقابلته و اتمنى كتير اني ما اشوفه ولا أكلمه

و هو لاحظ هاد اشي ولكن انا حاولت ان اخفي الامر

ومما زاد الطين بلة انه صارحني انه حابب يرتبط بي

ولكن انا ما عدته احبه متل زمان هو صار بالنسبة الي شخص عادي

انا خايفة اصارحه بحقيقة مشاعري يروح يعمل في حاله اشي لانه مرة اتخاصمنا شوية وهو تعب وكتيير وصحته ساءت للغاية و انا مش عايزة اكون السبب في أذيته لانه شاب طيب كتير .

انصحوني شو اعمل اضل معه واستمر في الكذب عليه واعمل حالي كأنه ما في شي و كأني لسه بحبه او اصارحه بحقيقة مشاعري وان كان الثمن أذيته هو .