أحمد حلمي يوضح موقفه من انتقاد محمد رمضان في أزمة السيارات الفارهة

رام الله - دنيا الوطن
نفى الفنان أحمد حلمي ما تم تداوله عن توجيهه رسالة لزميله الفنان محمد رمضان، من خلال نشر صورة بجوار سيارته للرد على تباهي "رمضان" بشراء سيارتين فارهتين اقترب سعرهما من 8 ملايين جنيه.

 وقال أحمد حلمي، على صفحته الشخصية عبر موقع التواصل الاجتماعي «فيس بوك»: "توضيح بسيط وسريع بخصوص ما حدث بعد نشر صورتي وأنا راكب العربية الميني القديمة اللي كانت معايا في فيلم «ظرف طارق»، أحزنني كثيرًا تفسير البعض أنني أنشرها بغرض توجيه رسالة لزميلي الفنان محمد رمضان".

وأضاف حلمي: "يا جماعة أنا لو عايز أوجه رساله لأي حد أعرفه كويس أو حتى معرفوش مش هاعمل كده عبر مواقع التواصل الاجتماعي، لأني عمري ما عملت كده أبدًا.. لأني ببساطة ممكن أبعت له رسالة على موبايله أو هاكلمه، أما الكلام اللي كان مكتوب تحت الصورة اللي كتير من الناس معرَفش إزاي بجد فسروه بالطريقة دي مع إنه فعلًا مايخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا وليه علاقه بالعربية الميني".

ووجه "حلمي" رسالة إلى رمضان قائلًا: "زميلي العزيز.. ربنا معاك ويوفقك دايمًا، وتحقق كل اللي نفسك فيه في حياتك الفنية".