سلام يا شام : بكلمات " اخترقت " قلب الجميع ...النجمة أمل عرفة تكتب رسالة وداعها للشام

رام الله - دنيا الوطن - أحمد حمزة الدرع
بكلمات مؤثرة جدا اختارتها النجمة السورية أمل عرفة على ما يبدو بعناية وبحرقة قلب وحزن شديد ممزوج بالأمل والحب ، بهذه الكلمات آثرت النجمة ان تودع الشام وتتمنى لها السلام والحب .

القاريء لكلمات " عرفة " على صفحتها على احد مواقع التواصل الاجتماعي يدرك تماما مدى الاحساس الكبير الذي تمتلكه هذه النجمة وحبها الكبير لبلدها الذي تتمنى له السلام بعد ما أنهكته الحرب داخله .

النجمة السورية التي كتبت دون ان توضح مناسبة ما كتبته يستطيع القاريء أن يستشف منه ان أمل عرفة قررت السفر بعيدا عن الشام دون معرفة هل هذا السفر سيكون طويلا ام قصيرا ، لكن يبدو واضحا من قسوة الكلام انه سيكون بعدا لفترة غير محددة عن الشام خاصة أنها انهت ما كتبته بذكر التاريخ وهو السادس من فبراير .

ننقل لكم بدورنا ما كتبته النجمة امل عرفة  :

سلام ياشام 

سلام يا شام 

يللي بردك دفاني العمر وبلمحة حرقني الدفى

سلام يا شام 

يللي قلبي بحاراتك علقان ،مني قفز عني صار الغريب ..

سلام ياشام 

قاسية ومخبى جوا حجارك حنان مسوّٓر بنسيان حصة من الفرح ...

سلام يا شام 

هالمرة كبيرة الغصة وما بتخلص القصة بكلام لسا ما انحكى ...

سلام ياشام 

لا تخذليني تعبت والله تعبت مو محرز الباقي من العمر ...

سلام ياشام 

حبوبك والفول وعرنوس الدرة رح يبقو حلم صغير ما صار ولا أيد مدتهون إلي من خاطرا ...

سلام ياشام

قولي للغريب اللي ناطر أتركك يحكي معك يتنفسك يتلمسك ويدللك متل ما بيوم كان بدّي دللك 

سلام ياشام

كوني سلااااام واستسلمي ولا تسلمي مفتاحك الغالي لوش ديب مغطى بوش مسكين عّم يعزف عالوجع 

سلام يا شام

ضلي شفقي 

ضلي شفقي 

ضلي شفقي 

مقهورة هالمرة كتيرررررررررررر وانا عّم ودعك 

وبعرف انا شو القهر بياكل من دربي حلم انتتر ع جنب .

سلام يا شام

دوري على حلمي بعتمتك ببردك بقهرك ولما تلاقيه ابقي ردي عليي خبر وبسمعك حتى لو كنت تحت الحجر.
سلام يا شام 

وصلت هديتك قبل عيد اللي كنت ظن إنّو انخلق ، هالحب اللي راهنت وكتيرررر راهنت انو ما بينطفى عشت وشفت جمرو حرق وكسّر خواطر ما بتنجبر انا اللي جبرت ألف خاطر هلق اجا وقت خاطري ل ينكسر من قلب وحدو عرف فيي درب الألم .

أمل عرفة 

٦/٠٢/٢٠١٦
سلاااااااااااااااام ياشام