مفاجأة من "أبلة فاهيتا" لمراسلها شادي أبو زيد المتهم بإهانة الشرطة

مفاجأة من "أبلة فاهيتا" لمراسلها شادي أبو زيد المتهم بإهانة الشرطة
رام الله - دنيا الوطن
بعد أن أصدر صناع برنامج "أبلة فاهيتا من الدوبلكس" بياناً تبرأو فيه من مراسل البرنامج شادي أبو زيد بعد مشاركته مع أحمد مالك في فيديو مهين للشرطة، أصدرت الصفحة الرسمية للبرنامج على "فايسبوك" بياناً تتضامن فيه فاهيتا مع مراسلها، وقالت في البيان:

"بونسوار.. هما كلمتين وأُرُڤوار.. عزيزي شادي: إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا متأكده أنك ماتقصدش غير انك تعبر عن رأيك.. انت شاب والشباب لما بيحبط بيلوش.. قلبي عندك وحضنك عندي".

وأضافت: "عزيزي العسكري الغلبان: حقك علينا، إنت على راسنا من فوق طول مإنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش - ده شباب محبط وتقلها في الهزار".

وتابعت: "عزيزي الشعب: أحضن نفسك، إنت مالكش غيرك".

وأضافت "عزيزتي حرية التعبير: متكاتفة معاكي ومش ناوية اسيبك، ده إنتي برضك يتيمة زي كارو".

وختمت البيان "أعزائي حبايبي وأعدائي: حقكم تاخدوا على خاطركم مني، البيان اللي نزل الاسبوع اللي فات كان صدمة ليا قبل مايكون صدمة ليكوا.. كنت فاكرة إني الأقوى وكلمتي هي اللي هتمشي، لكن طلع فيه الأقوى.. انا ست حرة ومابخافش ومش هأعيش غير حرة.. بيقولولي يا أبلة كان باين انه مش كلامك، خليكي ساكتة وبكره الناس هتنسى.. قولتلهم المهم انا إمتى هأنسى.. عزيزتكم مهما شتمتوها".

 


التعليقات